Read Zou LAPITE 2 Bible Online

LAPITE 2 - Zou bible

LAPITE 2

¹Bang dingin minamte kipawl dapin, mite in a mawhnapi sawmdap uh ahei?

²TOPA le a sathau nu pa langkhatah leitung kumpite a pangton vua,

³“Amau’ ei khina khaute bottanin, eite kung panin a khaute uh i paimang ding hi, a ci uhi.

⁴Vantunga a to pa nui a; TOPA in amate zako hi.

⁵Tua ciengin ama in a lungthahna tawh amate hopi ding a, ama in lungsona tawh amate zausahin,

⁶“Ka muol siengtho Zion tungah ka kumpipa ka tosah zo hi,” a ci hi.

⁷Keima in TOPA’ thukip ka tangko ding hi: Ama in keima kungah, “Nang ka tapa na hi hi; tuni-in nang kang piengsah zo hi.

⁸Keima kungah hing ngen in, na luo dingin minamte ka bawl ding a, leimong dongin na neisa ka suohsah ding hi.

⁹Sia cieng khat tawh amate na satkeh ding a, beelkheng pa in leibeel a denguoi bangin, nangma in amate na dengguoi ding hi,” ei ci hi.

¹⁰Tua ziehin kumpite aw, tu-in pil ta un; leitung a uh mite aw, thuhilna thei un.

¹¹Zauna tawh TOPA’ na semin, linna tawh

¹²ama’ keng nam unlen,[1] tua ahi sihle ama ang lungthah ding a, lamkalah na sigam ding uhi; bangzieh ahei cile ama’ lungthahna khu mallang tahin a kikuontaw hi. Ama a bel mi zosie mi nuomsa ahi uhi.