Read Zou LAPITE 21 Bible Online

LAPITE 21 - Zou bible

LAPITE 21

¹La makaipa kunga David’ laphuo. TOPA aw, na hatna sungah kumpipa lungdam a, na panpina sungah nahpi-in a nuom hi!

²Ama’ lunggulte na pie zo a, a kama ang ngetnate na khia sih hi. Selah

³Azieh pen thupha tampi tawh ama na dawntuo hi; nangma in ama’ lu tungah kham kumpi lukhu na khusah hi.

⁴Ama in na kungah hinna ang ngen hi; nangma in ama tungah kumtawn hinna na pie hi

⁵Nangma’ panpina ziehin ama’ minthanna lien hi; nangma in ama tungah etlawmna le thupina na pie hi.

⁶Nangma in ama tungah thuphate na pie zing hi; na ompina lungnopna tawh ama na lungdamsah hi.

⁷Azieh pen kumpipa in TOPA muong a, Sangpen Pa itna kip ziehin ama a kilawh sih ding hi.

⁸Nangma’ khut in ka galte zosie mu ding a, nangma’ zietlam khut in ang mudate a mu ding hi.

⁹Nangma nang kilah ciengin meiphuol kuong bangin amate na bawl ding hi. A thangpaina tawh TOPA in amate nawmval ding a, mei in amate katum ding hi.

¹⁰Nangma in leitung panin amau’ suon le hlahte, mihingte lah panin amau’ tate na susie ding hi.

¹¹Amate in nangma tungah gitlo sawmin, a hoi lote ang bawl sawm uleh a lawcing sih ding uhi.

¹²Azieh pen nangma in amate na zausisah ding hi; nangma in na thaltang tawh amau’ maitang na dawi ding hi.

¹³TOPA aw, na hatna sungah nang hing kitawisang heh! Kote in na vanglietna la sa-in kang phat ding uhi.