Read Zou LAPITE 23 Bible Online

LAPITE 23 - Zou bible

LAPITE 23

¹David’ laphuo. TOPA khu ka tuucingpa ahi a, bangma ka kisam sih ding hi.

²Lo dawnna munah ei lumsah a; tuidam[42] gei-ah ei pui hi;

³ka hla[43] tha ei dimkia a, ama’ min adingin thuman lampi[44] ah ei pui hi.

⁴Khuomiel kuomthuh pen[45] tawnin ka pei zongin sietna ka giing sih hi. Azieh pen nang in kei nei ompi a, na phawhbul le na ciengkhut in kei ei hlamuong sah hi.

⁵Ka galte opna mun ka mai-ah an nei lui hi; ka lu sathau nei nupieh a; ka hai a dimlet hi.

⁶Hoina le khuotuona[46] in ka khantawnin ei zui valon[47] ding a, TOPA’ inn sungah kumtawnin[48] ka teng ding hi.