Read Zou LAPITE 24 Bible Online

LAPITE 24 - Zou bible

LAPITE 24

¹David’ laphuo. Leitung le a sunga om zosie hile, leitung le a tunga tengte hile, TOPA-a’ ahi hi;

²azieh pen ama in tuipite tungah leitung phut a, gunte tungah kipsah hi.

³TOPA’ muol tungah koi kato ding ahei? A mun siengtho-ah koi ding ding ahei?

⁴Khut siengtho le lungsim siengtho nei a, a manlo thu-ah a hinna uh piekhie loin, solna tawh a kiciem lo mite ahi hi.

⁵TOPA tung panin amate in thupha a nga ding vua, a hutdamna a Pasien uh tung panin dihtanna a nga ding uhi

⁶Tua bang mite pen ama a sui, Jacob[49] Pasien’ maitang a sui mihonte ahi hi. Selah

⁷Tunkotte aw, na lu pongsah un! Tanglai kotte aw, minthang Kumpipa ang lut thei nadingin, kidomkang un!

⁸Minthang Kumpi koi ahei? A thahat le a vanglien TOPA hi a, galsimna-ah a thahat TOPA ahi hi.

⁹Tunkotte aw, na lu pongsah un! Tanglai kotte aw, minthang Kumpipa ang lut nadingin, kidomkang un!

¹⁰A minthang tami Kumpipa koi ahei? Vanglien TOPA, minthang Kumpipa ahi hi. Selah