Read Zou LAPITE 28 Bible Online

LAPITE 28 - Zou bible

LAPITE 28

¹David’ laphuo. TOPA aw, nang kang hlan hi; ka suongpi aw, ei za loin om sin, azieh pen kei tungah hing sip dide mawh lacin, Leihawm-a peisuhte tawh ka kibang ta ding hi.

²Na mun Siengtho pen[53] lamah ka khutte lamto-in, panpina ngenin na kungah kang kiko ciengin ka thumna ei za in.

³Migilote le sietna a bawl mite tawh, ei kaikhie ton sin, amate in a vengte tawh kilemna thu a gen vangun, a lungtang sung vuah mi huotna vive a om hi.

⁴Amau’ sepna le amau’ gamtat sietna dung zui-in amate thuhkia in; a khuta a sepna utawh kituohin amate thuhkia in; a nga ding vua kilawm thaman amate ngasah in.

⁵TOPA’ nasepna le ama’ khut tawh a sil bawlte a thupi ngaisut lo ziehun, ama in amate susie ding a, a lamkia nawn sih ding hi.

⁶Ama in ka thumna ei zah zo ziehin TOPA in thupha nga taheh.

⁷TOPA khu ka hatna le ka lum ahi a, ka lungsim in ama a muong hi; tuaci’n keima ei kihu-in ka lung nuom mama a, ka lasahna tawh ama tungah lungdamna ka ko hi.

⁸TOPA khu a mite’ thahatna ahi hi; ama pen a sathau nu pa dingin a bih kibuhna ahi hi.

⁹Aw, na mite hundam inlen, na gouluote thupha pie in; amate a cingpa hi inlen, kumtawnin amate pui zing in.