Read Zou LAPITE 3 Bible Online

LAPITE 3 - Zou bible

LAPITE 3

¹ A tapa Absalom kung pana tai lai-a David’ laphuo. TOPA aw, ka galte tam sam e! Kei ei langpang ding mi tam mama hi;

²mi tampite in keima kungah, “Nang[2] adingin Pasien sungah huna om lo hi,” ei ci uhi. Selah

³Ahi vangin TOPA aw, nangma khu ka kimvela ka kidalna lum na hi a, ka vang le ka lu ei phongto pa na hi hi.

⁴TOPA tungah nahpi-in ka kiko a, ama in a muol siengtho panin keima ei dawng hi. Selah

⁵Keima lumin ka kimu hi; TOPA in ei kep ziehin ka khanglo kia hi.

⁶Ka kimkotah keima ei langpang mi tul sawm tampite ka giing sih hi.

⁷TOPA aw tho in! Kei ei hunkhie in, ka Pasien aw! Bangzieh ahei cile nang in ka galte na pangbeh gawp a, migilote’ ha na sutawng hi.

⁸Hutkhietna khu TOPA-a’ ahi hi; na mite tungah na thupha tung taheh! Selah