Read Zou LAPITE 36 Bible Online

LAPITE 36 - Zou bible

LAPITE 36

¹La makaipa kunga TOPA’ nasempa David’ laphuo. Khielna in a lungsim tawng vuah thu a gen hi; a maitang vuah Pasien zatahna mawngmawng a om vet sih hi.

²Azieh pen a khielna uh kimu loin, ei kimuda sih va, ci-in a ngaisun vua, tuaci’n amau le amau a kimawhphat tawm uhi.

³A kam vua a thugente uh pen sietna le mi solna vive ahi hi; pil gamtat ding le sil hoi sep ding amate a khawl uhi.

⁴Lupna tunga a lup kawmun sietna bawl ding a sawm uhi; hoi lona lamah amate kibultawm uhi; amate in sietna a niel sih uhi.

⁵TOPA aw, na itna kip in vantung dong ban a, na muonhuoina in meiipite dong ban hi.

⁶Na dihna muolpite tawh kibang a, na thukhennate tuithuhpi tawh kibang hi; nang in mihingte le ganhingte na hundam hi, TOPA aw.

⁷Pasien aw, na itna kip bangza-in manpha ahei! Nangma’ hla hlim nei-ah mi zosie a kibu ding uhi.

⁸Nangma’ inn sungah amate in kiningcing tahin pawi a bawl vua, na nopsahna gun panin amate dawn ding na pie hi.

⁹Azieh pen nangma tawh hinna tuinah a omton hi; kote in na khuovah sungah khuovah ka mu uhi.

¹⁰Nang ang thei mite tungah na itna kip zomsuoh inlen, lungsim man mite tungah na hutdamna hing zom in!

¹¹Mi kiphasahte’ keng in ei tuonsah sinlen, migilote’ khut in ei notmangsah sin.

¹²Khumnah sietna a bawlte cimaw-in a kun uhi; amate tuolsena-in kinei-in a tho zo nawn sih uhi.