Read Zou LAPITE 39 Bible Online

LAPITE 39 - Zou bible

LAPITE 39

¹La makaipa kunga Jeduthun adinga David’ laphuo. “Ka leii tawh ka maw lo nadingin ka gamtatnate ka kikem ding hi; keima’ opna munah migilote a om laise kamtuomna tawh ka kam ka hum ding hi,” ka ci hi.

²Ham loin ka om khinkhian hi; ka dai opna khu a mawhna a suoh hi; ka lungkhamna khang semsem a,

³a sungah ka lungtang sa vapom hi. Ka ngaisutsut ciengin ka lung a so hi; tuaci’n keima in ka kam tawh ka gen hi.

⁴TOPA aw, ka hinkhuo tawp hun ding, a kise za ka hun ka nite ei theisah in; ka hinkhuo a tawp pah ding ahi lam zong ei theisah in.

⁵Nang in ka hinkhuo khutphang cie behin na bawl a, nangma’ muna-ah ka khankum bangma tan ahi vawt sih hi. A tahtahin mihing vannuoi naahu bang beh ahi uhi.

⁶A tahtahin mi zosie hlim banga a vah kawikawi ahi hi. A tahtahin amate bangma lo adingin a buoi uhi; koi pen’ nga ding ci thei lopi-in nei le lam a kholvum uhi.

⁷“Tuale tu-in, TOPA aw, kei bang pen ngah ka hei? Nangma sungah ka lametna a om hi.

⁸Keima’ khielna zosie panin ei hunkhie in. Mi mawte’ simmaw dingin kei ei bawl sin.

⁹Tam banga ei bawl nang na hi ziehin, kam keh loin ka dai op hi,

¹⁰Keima tung panin nei vuohna ladawh in; na khuttum tawh nei tup[75] ziehin ka tha a tawp hi.

¹¹“Mihingte a mawna ziehun dan pie-in thu na hil a, nang in amau’ thupisah nate nget’ neh bangin na netum hi; a tahtahin mihing zosie pen naahu khat beh hi lel uhi. Selah

¹²“TOPA aw, ka thungetna ei za inlen, ka kikona na bil ei daw in; ka hlitui luonna ei thudon in. Azieh pen ka pu ka pate bangin, kei zong bakhat sung zin le pemta bang ka hi hi.

¹³Keima si-in ka op nawn lo masang, ka nuikia thei nadingin keima kung panin na mai heimang in,” ka ci hi.