Read Zou LAPITE 43 Bible Online

LAPITE 43 - Zou bible

LAPITE 43

¹Pasien aw, ka dihna hing kilangsah inlen, Pasien zatah lote tawh ka thu-ah keima ei panpi in; mi solte le mi thuman lote kung panin kei ei hunkhie in!

²Bangzieh ahei cile nang ka kibuhna Pasien na hi hi; nang in bang dinga kei nei taisan dawh ahei? Galte bawlsietna ziehin bang dingin kap kawmin vah ding ka hei?

³Aw, na khuovah le na thuman hing sawl in; tuate in ei puisah in; tuate in na muol siengtho le na tenna munah ei peipisah in.

⁴Tua ciengin Pasien’ maitam ahi a, nop ka sah mamana Pasien kungah ahi zongin ka pei ding hi; keima in harp lasahna tawh nangma kang phat ding hi, aw, Pasien, ka Pasien aw.

⁵Ka hlagau aw, bang dingin kilungkhamsahin, ka sungah bang dingin buoi den mielmuol na hei? Pasien sungah lametna nei in; bangzieh ahei cile keima in ei panpi ka Pasien ka phatkia ding hi.