Read Zou LAPITE 46 Bible Online

LAPITE 46 - Zou bible

LAPITE 46

¹La makai kunga Korah-te’ phuo. Alamoth[89] banga sah ding la khat. Pasien pen i kibuhna le i thahatna hi a, lungkham hun a ei hu paipai[90] pa ahi hi.

²Tua ziehin leitung kikhelin tuipi laikimah muolte kilawh hi;

³a tuite hawh vapo-in phuon valuh a, a tuihuol ziehin muolte kiling nanleh, i zau sih ding uhi. Selah

⁴Gunpi khat om a, a luituite in Pasien’ khuopi ahi Sangpen Pa’ tenna khuopi siengtho a lungdamsah hi.

⁵Tua khuopi[91] laikimah Pasien a om hi; tua khu a kilawh sih ding hi. Pasien in zingmawng phalvahin ama a panpi ding hi.

⁶Minamte so gawpin kumpi gamte kiling hi; ama in a aw gingsah a, leitung tui a suoh hi.

⁷Vanglien TOPA eite tawh ang omton hi; Jacob Pasien khu eite’ kibuhna[92] ahi hi. Selah

⁸Hing pei unlen, TOPA’ sepnate hing en un; ama in leitung zosie gamkhing a suosahna hing en un.

⁹Ama in leimong dongah gal a vengsah hi; ama in thalpi kuoitanin teipi a susie hi; ama in kidalna lumte mei tawh a haltum hi.

¹⁰“Om hihiet unlen, Pasien ka hi lam thei un! Minamte lahah keima ei kitawisang a, leitungah zong keima ei kitawisang hi,” a ci hi.

¹¹Vanglien TOPA eite tawh ang omton hi; Jacob Pasien khu i kibuhna[93] uh ahi hi. Selah