Read Zou LAPITE 48 Bible Online

LAPITE 48 - Zou bible

LAPITE 48

¹Korah-te’ phatna la khat. TOPA lien a, i Pasien’ khuopi sungah nahpitaha phat ding ahi hi. Ama’ muol siengtho pen

²sangin etlawm a, tua khu Kumpi lien’ khuopi, leilu lama om Zion Muol ahi a, leitung buppi’ lungdam kipahna ahi hi.

³Ama’ kulpi sungah Pasien om a, a muonhuoi hunpa ahi lam ama le ama a kilah zo hi.

⁴Tua ciengin kumpite a kikhawm vua, amate a kuonto uhi.

⁵Amate in tuami a mu behun lamdang a sa mama uhi; amate patau dipkuo-in a taimang sieng uhi;

⁶nau suoh dinga kisa takei natna in a tut numei bangin, khum sungah amate citunin a om vua,

⁷Tarshish tembawte a susie nisuona lam huipi bang uhi.

⁸I zahsa bangin eite in, Vanglien TOPA’ khuopi, Pasien in kumtawna a phukipsa Pasien khuopi sungah i mu ta uhi. Selah

⁹Pasien aw, kote in na biehinnpi laikim ah na itna kip ka lungngai uhi.

¹⁰Pasien aw, na min in leimong a zel bangin, nang ang kiphatna in zong a zel hi. Na zietlam khut guolzawna tawh a kidim hi.

¹¹Na thukhennate ziehin Zion Muol lungdam hinlen, Judah khuopite zong[95] kipah uheh.

¹²Zion kimkotah pei unlen, a tausang phaza va sim ta un,

¹³a kulpite hoitahin ngaisun un; a khuopi kulte va nawh ta un, tua hile khangsawnte kungah

¹⁴tami Pasien ahi a, kumtawn eite’ Pasien ahi hi, ci-in na gen thei ta ding uhi. Ama pen a tawntungin eite’ lam lahpa hi ding hi.