Read Zou LAPITE 49 Bible Online

LAPITE 49 - Zou bible

LAPITE 49

¹La makaipa kunga Korah-te’ laphuo. Mi zosie in tam thu za un; leitunga milien

²mineu, mihau le mizawng zosie aw, ngai un.

³Ka kam in pilna thu a gen ding hi; Ka lungsim sunga ka thungaisut thu in ei theitelsah ding hi.

⁴Paunah khat ka bil ka ngat ding hi; Harp lasahna tawh ka thu hahsate ka gencien ding hi.

⁵Hahsat hun, ei bawlsiete’ khielna in ei kimkot hun ciengin bang dinga zau ding ka hei?

⁶A neisa uh muongin a hauvumna uh kisahtheipi uh amah?

⁷A tahtahin koima in a hinna sum tawh tan zo lo a,[96] Pasien kungah a hinna man ding a pie zo koima om lo hi.

⁸Bangzieh ahei cile hinna tatna ding man tam mama a, tua in hankhuh[97] mu ngai loin hin denden nadingin kicing zo lo hi.

¹⁰Mipilte i et ciengin, amate zong a si uhi; mimawte le mingolte zong a si ton vua, amate in a neisa zosie uh midangte a nuasie pieh uhi.

¹¹Amate in leitangte amau’ min a puohsah vangun, a hankhuh[98] uh pen a tenna uh mun hi den ding hi.

¹²Nopsahna-ah mihingte kip suoh thei lo hi; amate pen a mangthai ganhingte tawh a kibang ahi lel bo uhi.

¹³Tua bang pen a mottat mite’ tuokhah ding thu ahi a, amau’ ngasa tawh a lungkimte’ tawpna khu tam bang ahi hi. Selah

¹⁴Misikhuo adingin tuu bangin amate kise zo hi; Sina pen amate a cingpa hi ding hi; amate hankhuh-ah a kumsuh suoh uhi;[99] amate a meel uh siemang ding a, Misikhuo a inn uh hi ding hi.

¹⁵Hinanle Misikhuo vanglietna panin Pasien in ka hlagau ei tanh ding hi, bangzieh ahei cile ama in keima ei sang ding hi.

¹⁶Mi kimkhat hau-in a inn sung vuah a nei le lamte uh a pun ciengin zau sin.

¹⁷Azieh pen amate a si ciengun bangma a keng sih ding uhi; a hauna un amate a nuazui sih ding hi.

¹⁸Amate a hin sungin a nuomsa-in kingaisunin, nangma adingin na na hoi sep ciengin ang kiphat vangin,

¹⁹khuovah a mu ngai nawn lo dingin a pu a pate kung ma-ah amate[100] a pei ding uhi.

²⁰Amau’ nopsahna ah mihingte kip suoh thei lo hi; amate pen a mangthai ganhingte tawh a kibang lel uhi.