Read Zou LAPITE 52 Bible Online

LAPITE 52 - Zou bible

LAPITE 52

¹ Edom-te Doeg Saul kungah pei-in, “Ahimelech’ inn ah Saul haw zo hi,” a ci lai-a David in kihil nadinga la makaipa kunga a la phuo Maskil[108] khat. Mi thahatpa aw, Pasien’ mite[109] suhsietna ah bang dingin kisiel na hei? Sunthapai-in

²nang in siet nading na ngaisunsun hi. Zuou nasempa aw, na leii zong mulmetna namhiem bang hi.

³Hoina sangin sietna na deizaw a, thuman gen ding sangin zuouthu gen nuom na sazaw hi. Selah

⁴A zuou thei leii aw, nang in mi valtum thei ding kammal zosie na dei hi.

⁵Ahi vangin Pasien in kumtawnin nangma ang satguoi ding hi; ama in na buh panin hing zamin ang ehmal ding hi; ama in a hingte’ gam panin ang phungbaw ding hi. Selah

⁶Midihte in nang hing mu-in a zau ding vua, sietna a bawl mite[110] nuisanin,

⁷“Pasien a bel lo, a kicing a haunate a muong, nei le lamte[111] a bel mipa en vawi un,” a ci uhi.

⁸Ahi vangin kei ka hi leh Pasien’ inn sungah olive singkung hing silsel tawh ka kibang hi.

⁹Na bawlsa nate ziehin lungdam kang ko zing ding hi. Tam pen thuhoi ahi ziehin thuman mite opna-ah nangma’ min ka pholah[112] ding hi.