Read Zou LAPITE 53 Bible Online

LAPITE 53 - Zou bible

LAPITE 53

¹La makaipa kunga Malahah[113] dung zui-a David’ phuo maskil[114] la khat. Mimawte in a lungsim sung vuah Pasien om sih,” a ci uhi. Amate a kisie gawp vua, sil kidahhuoite a sem uhi; a hoi-a a gamta mawng koima a om sih hi.

²A pil le Pasien sui mi khat beh a om ei ci a mu dingin, Pasien in vantung panin mihingte ei ensuh hi.

³Amate a unpi-in a puamang vua, a kibangin a letat kim uhi; sil hoi a bawl koima a om sih a, khat beh om lo hi.

⁴Pasien tunga thu a ngen lo, an neh banga ka mite a netum, sietna a bawl mite in theitelna a nei sih uh amah?

⁵Bangma cih huna tua bang zauna a om ngai lo, zauna lienpi sungah amate a om ding uhi. Azieh pen Pasien mi lote’ gu le tangte[115] Pasien in a thethang ding hi; Pasien in amate nuol zo ahi ziehin amate maizumin[116] kikoi ding hi.

⁶Zion panin Israel-te ading hutkhietna hing tung taleh izaw! Pasien in ama’ mite nopsahna a piehkia ciengin Jacob a lungdam ding hi; Israel zong a kipah ding hi.