Read Zou LAPITE 54 Bible Online

LAPITE 54 - Zou bible

LAPITE 54

¹ Saul kungah Ziph-te pei-in, “Eite lahah David kiphuol hi lo amah,” a ci lai vua khausai tumthei tawh thuo-a kihilna sah ding la khat, la makaipa kunga David’ maskil[117] khat. Pasien aw, na min tawh ei hundam inlen, na thahatna tawh ka dihna talang in.

²Pasien aw, ka thungetna ei za in; ka kama ka thugente ei ngaipieh in.

³Azieh pen kei ei do dingin mi kiphasahte ang kipan vua, mi hepi thei lote in tha dingin ei sui uhi; amate in a masang vuah Pasien a koi sih uhi. Selah

⁴Ahi vangin Pasien pen ei panpi pa tahtah ahi a, TOPA ka hinna a tudet pa[118] ahi hi.

⁵Ama in a gitlona uh ziehin ka galte a thuhkia ding hi. Na thumanna sungah amate sumaimang in.

⁶Nopthu-a biehna tawh na tungah biehpiehna kang lui ding hi; TOPA aw, na min ka phat ding hi, azieh pen tua khu a hoi ahi hi.

⁷Azieh pen ama in hahsatna zosie panin ei hunkhie a, ka mit in guolzawna tawh ka galte a en hi.