Read Zou LAPITE 60 Bible Online

LAPITE 60 - Zou bible

LAPITE 60

¹ La makaipa kungah: Unoh thuciemna aw tawh kituoha sah ding. Aram-naharaim le Aram-zobah tawh a kido lai le Joab a kilekia lamin Ci Kuom ah Edom-te tul sawm le ni a tha lai-a thu kihil nadinga David’ phuo Miktam[132] khat. Pasien aw, kote nei nuol zo a, ka kidalnate uh na satguoi zo hi; nang na lungthah zo ta hi; tu-in ka ngaingai uh ei bangsahkia in!

²Nangma in gam sung na kilingsah hi; nangma in leitang na pawhkehsah hi; kiling gawp ta ahi ziehin a keena munte hing matkia in.

³Nangma in na mite hahsatna na thuohsah zo a, nang in ei hawilensah lenggazu kote nei pie zo hi.

⁴Thalkapna[133] panin kihem a, amate a kikaikhop nadingun nang ang zatah mite adingin nang in diellap khat na khai zo hi. Selah

⁵Na it mite a suotah thei nadingin, na khut zietlam tawh guolzawna pie inlen, kohaw’[134] ang ngetna ei dawng in.

⁶Ama’ mun siengtho[135] sungah Pasien in a kamciem zo hi: “Lungdam kipahna tawh Shechem ka phalsuo ding a, Succoth kuom ka sekhen ding hi.

⁷Gilead gam keima-a’ hi a, tuale Manasseh zong keima-a’ ma ahi hi. Ephraim gam pen ka sia lukhu hi a, Judah gam pen ka kumpi ciengkhut ahi hi.

⁸Moab gam pen ka kisilna kuong ahi hi; keima in Edom tungah ka kedap ka vih phei hi; Philistia gam tungah guolzo-in ka awng hi,” a ci hi.

⁹Koi in kulpi tawh a ki-im khuopi-ah ei peipi ding ahei? Koi in Edom gamah kote ei pui ding ahei?

¹⁰Pasien aw, nangma in kote ei nuol ta hi lo na mah? Pasien aw, ka galkapte tawh nang kuonkhie sih hi.

¹¹Aw, gal ka do nadingun huna ei pie in. Azieh pen mihing huna khu a mawhna ahi bo hi.

¹²Eite in Pasien tawh hangsan tahin i sem ding uhi; i galte ei totcilpieh ding pa khu ama ahi hi.