Read Zou LAPITE 62 Bible Online

LAPITE 62 - Zou bible

LAPITE 62

¹La makaipa kungah: Jeduthun awkai-a sah ding David’ laphuo. Azieh pen ka hlagau in dai dide-in Pasien beh ngah hi; ama kung panin ka hutdamna ang pei hi.

²Ama beh ka suongpi, ei kihutdamna le ka kulpi ahi hi; kei ka kilawh ngai sih ding hi.

³Note zosie in mi khat bang tanvei do-in, palpua le thaw-awn tawh a kibang no ang lel mi khat bang tanvei susie ding na hi uh ahei?

⁴Amau’ gelna ahile, mi thupi khat khiehsuh ding beh ahi hi. amate in zuouthu gen nuom a sa uhi. Amate in a kampi utawh mi a phat vangun, a sungtawng vuah mi a samsie uhi. Selah

⁵Bangzieh ahei cile ka hlagau in dai dide-in Pasien beh a ngah hi, azieh pen ka lametna ama kung pan ahi hi.

⁶Ama beh ka suongpi le ka hutdamna, ka kulpi ahi hi; kei ka kilawh sih ding hi.

⁷Pasien tungah ka hutkhietna le ka minphatna a kinga hi; ama pen ka suongpi muonhuoi, ka kibuhna Pasien ahi hi.

⁸Mite aw, ama muong zing un; na lungtang uh ama mai-ah sung un. Pasien pen eite adinga i kibuhna ahi hi. Selah

⁹Dinmun niem mite ahile husan khat beh ahi vua, dinmun sangte zong khu kisolna ahi bo hi; tawi a kikhai ciengin a lep zo sih uhi; a kigawmun naahu khat sangin amate a zangzaw uhi.

¹⁰Pauhat thu tawh ngana pen muonin nei sih unlen, guhtatna-ah zong kimot muon sih un; Na hauna uh a khan leh tuate tungah na lungtang koi sih un.

¹¹Khatvei Pasien in gen zo hi: tami pen nivei ka zahna ahi hi: vanglietna pen Pasien-a’ ahi hi,

¹²TOPA aw, itna kip nangma-a’ ahi hi. Azieh pen nangma in a sepna utawh kituohin amate na thuhkia hi.