Read Zou LAPITE 63 Bible Online

LAPITE 63 - Zou bible

LAPITE 63

¹ Judah senel gama a op lai-a David’ laphuo. Pasien aw, nang ka Pasien na hi hi, ke’n nangma kang sui a, ka hlagau in ang hlangai hi; tui op lona gamgawta le gimna gam sunga om bangin, ka tahsa in nangma ang ngai vangut hi.

²Tuaci’n na vanglietna le na minthanna a mu dingin keima in mun siengtho sungah nangma kang en zo hi.

³Hinna sangin na itna kip a hoi zawh ziehin, ka nephute in nangma ang phat ding hi.

⁴Tuaci’n ka hin sung tungtawnin nang kang phat ding a, keima in ka khutte lamto-in nangma kang hlan ding hi.

⁵Ka lupna tungah nang kang ngaisun a, zanthapai-in ka lung ngaingai ciengin pawi antui pente[136] bangin ka hlagau a lungtai a, ka kam in kipahna nephute tawh nangma ang phat hi.

⁷Azieh pen kei ei panpi nangma na hi ziehin, keima in na hla hlim nei-ah kipah tahin la ka sa hi.

⁸Ka hlagau in nang ang bel a, na zietlam khut in ei tudet hi.

⁹Hinanle ka hinna susie dinga ei suite, lei thuhpi sungah peisuh ding uhi.

¹⁰Namsau’ hatna sungah amate kipie ding a, ngiete’ an a suoh ding uhi.

¹¹Hinanle Pasien sungah kumpipa lungdam ding a, ama tawh a kiciem zosie lungdam kipah ding uhi. Bangzieh ahei cile zuou gen kamte kihubing ding hi.