Read Zou LAPITE 66 Bible Online

LAPITE 66 - Zou bible

LAPITE 66

¹La makaipa kunga la kiphuo khat Leitung mi zosie aw, Pasien tungah kipahna aw gingsah un;

²ama’ minthanna la-in sa un; ama tungah patawina thupitah pie un.

³Pasien kungah, “Na silbawlte zauhuoi-in lamdang sam e! Na vang lien mama ahi ziehin, na mai-ah na galte a meikhup uhi.

⁴Leitung mi zosie in nangma ang bie uhi; amate in nangma phatna la a sa vua, na min phatna la a sa uhi,” ci un. Selah

⁵Hing pei unlen, Pasien’ sepsate hing en un: Mite lahah a nasepnate lamdang mama hi.

⁶Ama in tuipi pen leigaw a suohsah hi; amate a keng utawh tua tuipi na galkai uhi. Khumtah ama sungah eihaw i kipah vua,

⁷ama in a thahatna tawh kumtawnin uh a, ama in mit tawh minamte a vil zing hi, a ledo mite ahi uleh kitawisang da ta uheh. Selah

⁸Mite aw, i Pasien phat un, ama phatna ging kizasah un,

⁹ama in a hingte lahah eite ei kem a tuale i kengte uh a kitawnkhaw sih hi.

¹⁰Azieh pen Pasien aw, nang in kote nei sittel hi; mei tawh ngun a kisit bangin kote nei encien zo ta hi.

¹¹Lenthang sungah kote nei peipi hi; nangma in ka elzang vuah vangih nei suon hi;

¹²ka lutung vuah mite na tuongsah hi; kote in mei le tui ka nawh uhi; hizongle nang in mun tanzau[141] ah kote nei peipi zo hi.

¹³Meihal biehna tawh na inn sungah kang pei ding hi; nangma tungah ka kiciemnate kang pie ding hi,

¹⁴tuate pen ka lungkham cienga, ka nephu tawh ka thugente le ka kam tawh ka kamciem thute ahi hi.

¹⁵Keima in nangma tungah ganhing thau tawh meihal biehnate, tuutang biehpiehna khute tawh biehna ka lui ding hi; Keima in bawngtangte le keelte tawh biehpiehna ka bawl ding hi. Selah

¹⁶Pasien a zatah zosie aw, hing pei unlen ei za un, ama in keima dinga a silbawlte kang gen ding hi.

¹⁷Ama kungah nahpi tahin ka kiko a, tuale keima in ka leii tawh ama ka patawi hi.

¹⁸Ka lungtang sungah gitlona a kem hi leng, TOPA in ka thugen ei ngaipieh sih ding hi.

¹⁹Hizongle Pasien in ka thugen ei ngaipieh tahpi hi; ka thungetna kammalte ama in ei zahpieh zo ta hi.

²⁰Ka thungetna ei nuol loin, keima kung panin a itna kip hemkhie lo ahi ziehin, Pasien in thupha nga taheh.