Read Zou LAPITE 67 Bible Online

LAPITE 67 - Zou bible

LAPITE 67

¹La makaipa kunga khausai tumthei-a sah ding la kiphuo khat. Pasien in eite ei hepi-in thupha ei pie hinlen, tuale ama in eite tungah a mai hing tangsah taheh. Selah

²Tua hile, leitungah na lampi kithei ding a, minam zosie lahah a vanglien na hutdamna kithei ding hi.

³Pasien aw, mite in nangma hing phat hinlen, mi zosiete in nangma hing patawi ta uheh.

⁴Minamte in lungdam kipahin la sa uheh, azieh pen nang in dihtahin mite thu na khenpieh a, tuale nangma in leitungah minamte lam na lah hi. Selah

⁵Pasien aw, mite in nangma hing phat taheh; mi zosie in nangma hing patawi taheh.

⁶Leitang in ga tampi pie zo hi; Pasien, eite’ Pasien in thupha ei pie zo hi.

⁷Pasien in eite thupha ei pie suoh taheh; leimong donga mi zosie in ama zatah uheh.