Read Zou LAPITE 73 Bible Online

LAPITE 73 - Zou bible

LAPITE 73

¹Asaph’ laphuo. Lungsim siengtho-in a thumante tungah[154] TOPA hoi tahpi hi.

²Hizongle kei ka hi leh ka keng a kisuipua dihtah hi; ka keng zong a kitawnkhaw dihtah hi.

³Azieh pen keima in migilote daupeina ka mu a; keima in mi kiliensahte ka eng hi;

⁴Azieh pen amate in natna kici nei loin, a pumpite uh cidamin a zol sipsep uhi.

⁵Midangte bangin amate in hahsatna a thuoh sih uhi; amate in mite bangin gimna a thuoh sih uhi.

⁶Tua ahi ziehin amau’ khi pen kiphatsahna ahi hi; tatsietna in puon bangin amate a tuom hi.

⁷Amate ahile a thau sengin a mitkhu uh puoh a, a lungtangte uzong motna tawh a dimlet hi.

⁸Amate in mi thusim loin, kimudana kam a ham uhi; amate in kihisahna tawh bawlsiet dingin mi a galgih uhi.

⁹A kamte un vantung gensie a, a leiite un leitung bup tuomcip hi.

¹⁰Tua ahi ziehin mite kihei-in[155] amate a phat vua, amate sungah mawna kici a mu sih uhi.[156]

¹¹Amate in, “Pasien in bang a ci thei ding ahei? Sangpen Pa in theina a nei beh diei mah?” a ci uhi

¹²Migilote tam bang ahi uhi; a nop a thei-in a om vua, hauna lamah amate a khang semsem uhi.

¹³Ka lungtang ka siensahna, le genbang lona-a khut ka silna teng a unpi-in amawhna ahi hi.

¹⁴Azieh pen keima in sunthapai-in gimna ka thuoh a, tuale zingmawng sielin dan ei kituohsah hi.

¹⁵“Tam bangin gen vang,” ci leng, na tate tungah a thutah lo ka suoh ta ding hi.

¹⁶Ahi vangin tam thu bangci theitel ding ka hei ci-in ka ngaisut ciengin, keima’ gim nading bep khat hi tuoh ka sa lel a,

¹⁷Pasien’ mun siengtho sung dongah ka va lut cieng behin, amau’ manthaina ding thu ka tel pan na bo hi.

¹⁸Nangma in a nalna munah amahaw na koi tahpi hi; nang in kisie-a a pua dingin amahaw na bawl hi.

¹⁹Amate bangci kisuhsiet a, zauna in amahaw a bangci tawmang dawh a ta diei!

²⁰Amahaw[157] pen zan mangmat tawh a kibang lel uhi; ang thawkia ciengun nang in a mangmat uh na thupisim ta sih hi.

²¹Ka lungkhamin ka lungtang ei kisun bangin a nat ciengin,

²²ka maw dawh ta a, bangma ka thei sih hi; na tungah kei pen gamsa gilo tawh ka kibang hi.

²³Hizongle kei pen nang tawh ka omton ngitnget hi; nang in ka zietlam khut nei tu hi.

²⁴Nang in thuhilna tawh nei pui a, a nua ciengin patawina[158] tawh nei sangkia ding hi.

²⁵Nang simlo vantungah koi ka nei ahei? Nang sanga ka lunggul zawh ding leitungah bangma om lo hi.

²⁶Ka tahsa le ka lungtang zawngkhal mai thei a, hizongle Pasien pen ka lungsim hatna le keima’ satanh ahi zing hi.

²⁷Nang tawh kigamla mite kisie tahtah ding uhi; nang in na tunga ang khielte na mangthaisah sieng hi.

²⁸Hinanle kei adingin ahile Pasien tawh ka kinai a hoi hi; nangma’ nasepna zosie ka gen thei nadingin TOPA Pasien pen ka kibuhna-in ka bawl zo hi.