Read Zou LAPITE 75 Bible Online

LAPITE 75 - Zou bible

LAPITE 75

¹La makaipa kunga “Susie Sin” awkai-a sah ding Asaph’ laphuo khat. Pasien aw, na tungah nuomthu kang tut uhi; na min ang nai ahi ziehin nuomthu kang tut uhi. Mite in nangma’ silbawl lamdangte a gen uhi.

²Ka sesa hun ang tun ciengin keima in a manin thu ka khen ding hi.

³Leitung le a tunga tengte zosie a kithin ciengin, a khuompite a tudet pa khu keima ka hi hi. Selah

⁴Mi kiphasahte tungah, “Kiphasah sih un,” ka ci a, tuale migilote kungah, “Kidomsang sih un;[164]

⁵na ki uh domsang sih unlen,[165] ahi sihle ngawng vaipuohsa-in ham sih un,” ka ci hi.

⁶Bangzieh ahei cile lapsangna pen nisuona lam pan ahi a, nitumna lam pan ahi a, gamlah pan ahi zongin ang pei ahi sih hi.

⁷Ahi vangin thukhen pa pen Pasien ahi bo a, ama in mi khat niemkhiehin, adang khat a lamsang hi.

⁸Azieh pen TOPA’ khut sungah hoitah a kisawpawisa a phuon dildel lenggazu hai khat a om hi; ama in tua sung panin ang bungsuh ding a, tuale leitung migilo zosie in a dopkheng dongin a dawn ding uhi.

⁹Hizongle kei ka kipah[166] zing ding hi; keima in Jacob Pasien kungah phatna late ka sa ding hi.

¹⁰Keima in migilote’ hatna[167] zosie ka tansanpieh ding a, hinanle midihte’ hatna[168] kidomsang ding hi.