Read Zou LAPITE 8 Bible Online

LAPITE 8 - Zou bible

LAPITE 8

¹La makaipa kunga Gittith[9] banga sah ding David’ laphuo. Thunei pen kohaw’ TOPA aw, leitung zosie-ah na min bangza-in thupi ahei! Vante tungah na minthanna na koi zo hi.

²Na galte ziehin galte le phula pa na daisah nadingin, nausente le naupangte’ kam sung panin munkip[10] na phupieh zo hi.

³Na khutmete tawh na bawl vantungte ka en a, na phukipsa hlapi le aasite ka et ciengin,

⁴na ngaisut tham dingin mihingte bang hi a, na thudon tham dingin mihingte[11] bang hi lel ahei?

⁵Ahi vangin Pasien[12] sangin amate a neuzaw hiau-in na bawl a, minthanna le patawina lukhu na khusah hi.

⁶Na khuta na bawlsate tungah uhna za amate na pie hi; nangma in a keng nei vuah sil bangkim,

⁷tuu le bawngtang zosie le gam lahah gamsa zosie zong,

⁸hui lahah a leng vate le tuipi sunga om ngate, tuipi sunga lamhla kici poma, na koi hi.

⁹Thunei pen kohaw’ TOPA aw, leitung zosie-ah na min bangza-in thupi ahei!