Read Zou LAPITE 84 Bible Online

LAPITE 84 - Zou bible

LAPITE 84

¹La makaipa kunga Gittith[183] awkai-a sah ding Korah-te’ laphuo khat. Vanglien TOPA aw, na tenna mun bangza-in etlawm ahei!

²Ka hlagau in TOPA’ huongte a hlangaih seng ziehin a tha a zawm vawt va-ia hi; ka lungsim le ka pumpi in hingzing Pasien tungah lungdam kipahin la a sa hi.

³Vanglien TOPA, ka Kumpipa le ka Pasien aw, na biehna maitam tungah vato nangawn in a inn ding a mu a, sielpaleng in zong ama op nading, a note a koi nading bu a mu hi.

⁴Nangma’ inn sungah tengin, nangma phatna la a sa zing mite thupha nga ahi uhi. Selah

⁵Nangma sungah a thahatna uh omin, a lungtang vuah Zion zotna[184] lampi a zui nuom mite thupha nga ahi uhi.

⁶Baca kuom kantanin amate a pei laitahun, amate in tuami kuom pen ciatui phulna mun a suohsah uhi; tua mun pen guotui masate in zong buoltuite tawh a kidimsah hi.

⁷Amate a pei kawmun a tha uh hat semsem hi; Zion-ah pasien-te’ Pasien kimu ding hi.

⁸Vanglien TOPA Pasien aw, ka thungetna ei za in; Jacob Pasien aw, ka thungetna ei ngai in! Selah

⁹Pasien aw, ka kidalna uh lum ei etpieh in; na sathau nu pa’ maitang zong hing en vawi in.

¹⁰Bangzieh ahei cile mun danga ni tulkhat ka op sangin na huong sunga ni khat lenlon ka op a hoizaw hi. Gitlona inn sunga ka ten sangin ka Pasien’ inn sunga kotcing pa ka hi nuomzaw hi.

¹¹Bang ding ahei cile TOPA Pasien pen tungsun ni le kidalna lum ahi hi; ama in maipha le patawina ei pie hi. Thumanin a gamta mite tung panin TOPA in na hoi bangma hen a nei sih hi.

¹²Vanglien TOPA aw, nangma ang muong mi zosie thupha nga ahi uhi.