Read Zou LAPITE 90 Bible Online

LAPITE 90 - Zou bible

LAPITE 90

¹Pasien’ mipa, Moses’ Thungetna. TOPA aw, khan tawntungin kote’ tenna mun[198] na hi hi.

²Muolte a kipiensah masang, lei le leitung na bawl masang, tawntung pan tawntung dongin nangma Pasien na hi hi.

³Kohaw[199] leivui nei suohsahkia a, “No mihingte aw, kilekia un,” nei ci hi.

⁴Azieh pen nangma’ muna-ah kum tulkhat a tawp ciengin zani tawh kibang a, ahi sihle zanvil hun khat tawh a kibang bep lel hi.

⁵Nangma in amate na sumaimang sieng hi; amate zanlai mang tawh a kibang vua, zingmawnga a dawngkia lopa tawh a kibang uhi;

⁶zingmawngin palin thasuoh a, nitah ciengin vulin a gawptum hi.

⁷Bangzieh ahei cile nangma’ lungthahna in kote ei netum hi; nangma’ thangpaina in kote ei vuanel hi.

⁸Nang in ka khielnate uh nangma mai-ah na koi a, ka seldap uh mawnate zong na mai khuovah-ah na koi hi.

⁹Bangzieh ahei cile ka ni zosie uh nangma’ thangpaina nei-ah a tawp sieng hi; ka kumte uzong husan khat bangin a tawp[200] lel hi.

¹⁰Ka hinkhuo nite uh ahile kum sawmsagi ahi bo a, ahi sihle thahat lai uleng, kum sawmgiet bang hi thei hi; tua kikal[201] nangawn zong gimna le hahsatna vive ahi hi; tua teng mallangin a tawp a, tuaci’n ka mangthai pai uhi.

¹¹Na lungthahna vanglietna zie koi in thei ding ahei? Na thangpaina zong khu na zatahhuoina za-in lien hi.

¹²Tuaci’n kote in pilna lungsim ka nga thei nadingun ka hinkhuo nite uh ka sim dan ding uh ei hil in.

¹³TOPA aw, hing kilekia in! Bang tanvei sawt lai ding na hei? Nangma in nasemte tungah lainatna ei nei in!

¹⁴Ka hin sung tung tawn uh lungdamin ka kipah thei nadingun, zingmawngin na itna kip tawh kote ei lungkimsah in.

¹⁵Kote nei gimsah ni zaza, sietna ka tuo uh kum zaza ma kote ei kipahsah in.

¹⁶Na nasemte tungah na nasepna, a tate uh tungah a minthang na vanglietna hing kilangsah in.

¹⁷TOPA i Pasien uh’ ang vanna eite tungah hing tung hinlen, i khut vua i septe uh eite dingin lawcing taheh. Aw, ka khut utawh ka septe uh hing lawcingsah in!