Read Zou LAPITE 95 Bible Online

LAPITE 95 - Zou bible

LAPITE 95

¹Hing pei un, TOPA phat vai; ei kihutdamna suongpi tungah lungdamin kiko vai!

²Ama’ opna munah lungdamkona tawh pei-in, ama tungah phatna late tawh lungdamin kiko vai!

³Bangzieh ahei cile TOPA a lien Pasien hi a, pasien zosiete tungah Kumpi lienpa ahi hi.

⁴Ama’ khut sungah leitung thuhpite a om hi; muol sangte zong khu ama-a’ ahi hi.

⁵Tuipi ama’ bawlsa ahi ziehin ama-a’ ahi a, tuale a khuta a bawlsa leigawte zong ama-a’ ahi hi.

⁶Hing pei un, ama bie-in kun vai, ei Siem TOPA mai-ah khupdin va vui!

⁷Bangzieh ahei cile ama pen eite’ Pasien ahi a, eite a gankhawh sunga om mite le ama’ khut sunga a om a tuute i hi uhi.

⁸Meribah munah na lungkhau bang ule Senel gam Massah munah na pu na pate in kei ei zelah lai-in, amate in ka nasepna mu zo napi gamtatna tawh lah ding hun ei kal hun lai uh bangin, na lungsim khausah sih un.

¹⁰Azieh pen tua khang mite kum sawmli sung ka na kidah a, “Amate pen lungsim lepeisate le ka lampi a thuse lote ahi uhi,” ka ci hi.

¹¹Tua ahi ziehin ka thangpai kawmin ka kiciem a, “Ka tawlngahna sungah amate a lut sih ding uhi,” ka ci hi.