Read Zou LAPITE 99 Bible Online

LAPITE 99 - Zou bible

LAPITE 99

¹TOPA kumpi ahi hi; mite citun uheh! Cherub-te tungah ama a to hi; leitung kiling taheh!

²Zion ah TOPA lien a, mite zosie tungah kitawisang hi.

³Amate in a lien le a zatahhuoi na min phat ta uheh. Ama a Siengtho ahi h!

⁴Thutang a it Vanglien Kumpipa[210] aw, nang in deidan op lona na kipsah a, nangma in Jacob sungah thutang le thudih tawh na na sem zo hi.

⁵I TOPA Pasien phat un; a keng zungah bie un. Ama a Siengtho ahi hi!

⁶Ama’ siempute lahah Moses le Samuel kihal a, a min-a a kilote lahah Samuel zong kihal hi. TOPA kungah amate a kiko vua, ama in a dawng hi.

⁷Meii khuompi sung panin ama in amate hopi hi; amate in ama’ thupiehte le ama in amate a pieh thukhamte a zui uhi.

⁸Kote’ TOPA Pasien aw, nangma in amate na dawng hi; amate tungah maw a maisah Pasien na hi a, hinanle nang na hi leh a gamtat khielna uh tungah phu la pa na hi hi.

⁹I TOPA Pasien phat unlen, a muol siengtho-ah bie un; azieh pen eite’ TOPA Pasien siengtho hi.