Read Zou PAUNAH 13 Bible Online

PAUNAH 13 - Zou bible

PAUNAH 13

¹Tapa pil in thuhilna dei a,[40] mi simmawte in phawsietna a ngai nuom sih uhi.

²Mi hoite in a thugenna ga panun na hoite a ne ding vua, mi zuoute’ deina pen sietna bawl ding ahi hi.

³A kam a kem zo mite pen a hinna uh kembih ahi pai uhi; a kam a golkahte ahile a kisie ding uhi.

⁴Mi thanuomte’ deina a kiphungvua laitahin, mi thadate in deigaw napi bangma a nga sih uhi.

⁵Midihte in zuouthu muda a, migilote zumhuoi tah le mindaihuoi tahin a gamta uhi.

⁶Dihtatna in thutanga a gamta mipa cing a, mawna in migilote a thalpai hi.

⁷Mi kimkhat bangma nei lopi kihausah a, adang kimkhatte hau napi kizawngsah uhi.

⁸Hauna pen mi khat’ hinna takhietna ahi a, mizawng pa in galgihna kam a za sih hi.

⁹Midihte’ khuovah lungdam a, migilote’ meivah a mit hi.

¹⁰Hil ding a nuom lo kihisahna in kihauna piengsah a, mi thukuppite tawh pilna a omton hi.

¹¹A kinaw nga[41] hauna kiemsuh pai ding a, a themthem-a khol mite’ sum khangkhang ding hi.

¹²A tungpah lo lametna in lungtang nasah a, lungtup tunna in hinna singkung ahi hi.

¹³Thuhilna simmawte in amate tunga sietna tut ahi vua, thupieh a zatah mite ahile thaman kipie ding hi.

¹⁴Mipilte’ thuhilna in hinna tuinah ahi a, tua pen sina thang tawh mi khat a kipelna ahi hi.

¹⁵Thu ngaisut siemna in maipha ngana ahi a, upna nei lote’ lampi in amau’ kisietna ahi hi.

¹⁶Mi pilvangte in na zosie pilna tawh a sem vua, mimawte in a motna uh a pholahlah uhi.

¹⁷Kamtai hoi lo in mi buoisah a, palai muonhuoi in mi damsah hi.

¹⁸Zawnna le mindaina pen thuhilna a thusim lote ading ahi a, phawsietna a thudon pa a kipatawi hi.

¹⁹Deina tangtunna in hlagau adingin hlum vangut a, sietna bawl nading pana kiheina in mimawte dingin muthada huoi hi.

²⁰Mipilte tawh kigop mite mipil a suoh pai vua, mimawte tawh kigopte in gimna a thuoh uhi.

²¹Hamsietna in mawneite sulzui a, cithei nopsahna in midihte thaman a pie hi.

²²Mi hoite in a tu a tate’ luo ding gouluo nuasiepieh a, mawneite’ neisate pen midihte dinga kikhol hi lel hi.

²³Mizawngte’ lo-ah an tampi pieng thei a, thutang a op lo ziehin tuate maimang hi.

²⁴Ciengpum zang nuom lote a tate muda ahi a, amate a it mite in limtahin amate a thuhil hi.

²⁵Midihte in a khamkhop uh a nei vua, migilote’ gilpi ahile a hawmsuoh hi.