Read Zou THUHILNA 11 Bible Online

THUHILNA 11 - Zou bible

THUHILNA 11

¹Tuite tungah na anlum pai lacin, ni tampizaw ciengin na ngakia ding hi.

²Na neisate lampi sagi ah hile, lampi gietah hile khen kawikawi in, azieh pen leitungah bang sietna pieng ding ci na thei sih hi.

³Meiite sungah guotui a dim ciengin leitungah guo-in zusuh hi; sing khat leitaw lam ahi sihle leilu lama a pua leh, a puana munah a luongin tua sing lum den ding hi.

⁴Hui lan a melci poma in khai a tu sih ding hi; meiilum a en poma in zong an a la sih ding hi.

⁵A nu’ gil sunga gu le tangte lahah husan bang ang ci pien ahei ci na thei lo ma bangin, sil bangkim a siem Pasien’ nasepte na thei zo sih hi.

⁶Zingmawngin na khaici tu inlen, nitah ciengin na khut mawh opsah sin; bang ding ahei cile ang hoi ding pen tami amah, khumi ahei, ahi sihle a nipi-a ang hoi ding ma ahei, ci thu na thei sih hi.

⁷Khuovah hoi mama a, mit in ni a mu ciengin a nuom mama hi.

⁸Kum tampitah a hingte nangawn in tuate zosie nuomtahin zang ta uheh; hizongle khuomiel nite ang tam ding hi, ci phawh ta uheh. Ang tung zosie a mawhnapi ahi hi.

⁹Khangnopa aw, na khangdawn lai-in lungdam inlen, na khangno hun sungin na lungnop bangbangin om in. Na lunglam le na mit in hoi a sahna lam zui in, ahi vangin tamte zosie ziehin Pasien in na tungah thu ang khen ding ahi ci thu thei in.

¹⁰Na lungsim sung panin patauna tawpsah inlen, na tahsa natna zosie paimang in; azieh pen khangdawnna le hinkhuo kipatcil lam pen a mawhnapi ahi bo hi.