Read Zou THUHILNA 12 Bible Online

THUHILNA 12 - Zou bible

THUHILNA 12

¹Lungkham hun ang tun masang, “Hinkhuo nuomsa sing,” na ci ding kum in ang phah masang;

²nitang khuovah le hlapi le aasite mielin, guo tawh[25] meiilumte a kilekia masang na khangdawn lai-in nang ang siempa phawh in;

³khum hun sungin inncingte citunin, mi thahatte a kawng uh kon a, numei ansute a tawm ziehin a khawl cieng, tawlet-a khuodahte a mit uh a miel cieng;

⁴gawldung kotpite kikhacipin an gawina ging nawn loin vata ham khat in ang phawn a, nungah lasate’ aw a gin nawn lo cieng;

⁵mi khat in khosangte giingin gawldung ah patauna ang op cieng; kawlthualu kung ang paa-in khuombaite zong kipuola-in[26] lunggulna ang tawp cieng dong ahi hi; azieh pen mi zosie in a tawntung inn uh a zot kul a, a kap amate in gawldung lam a zuon ta ding uhi.

⁶Ngun khauhuol kitanin[27] kham kuongkumte keh ding a, tuinah-a tuibelte kitawkehin tuikhuh sunga tuikhaina lengpeite kitan ding hi.

⁷Khum hun ciengin leivui in a kisiemna lei zuonkia-in, husan[28] in ama a pie pa Pasien kung zuonkia ding hi.

⁸A mawhnapi, na vannuoi a mawhnapi ahi hi, ci-in Siepa[29] in a gen hi.

⁹Siepa a pil banah, theina, thu khinkhai theina, sinna le paunahte guoldan zong mite hil hi.

¹⁰Siepa in a zahnophuoi kamtengte a mu thei nadingin sui a, ama in thuman siengtahin na giel hi.

¹¹Mipilte’ thugente cienghiem tawh a kibang a, kammal ahile a kikhawmte pen tuucing[30] khat in a pieh, kiptaha a kikhen siakilte tawh kibang hi.

¹²Ka tapa aw, tam teng banah kidawm in. Laibu tampi bawlna in tawp hun a nei sih a, lai tampi simna zong tahsa gimna bep ahi hi.

¹³Thu khupna-ah thu zosie kiza sieng zo hi; Pasien zatah inlen a thupiehte zui in; bang ding ahei cile tua khu mi vannuoi’ sep ding nasep ahi hi.

¹⁴Azieh pen a sie hile a pha hile a kiguhsep na zosie nangawn tungah Pasien in thu ang khen ding hi.