Read Zou SOLOMON LA 7 Bible Online

SOLOMON LA 7 - Zou bible

SOLOMON LA 7

¹Lengnu melpuo lanu no aw, na pheiphung le na kedapte etin lawm e! Na pheizum gel banzal siemte suong manpha zun no khu bang e.

²Na laimu khu kuong bangin kuoh, ningzu lawi lo ningbel no bang. Ngai na gil zong unoh pal um, mangbu sunvum dung zil sang e.

³Na anglai-a nunkhum ni gel zuhsa ni le khisa pengkop no khu bang e.

⁴Ngaino na ngawng vuisai halep dawsang dung zil. Na maimit zong Bath-rabbim dawngkot nen a Heshbon dimtui dung no zil e. Na nahkuo khu vangkhuo Damascus-a pieng Lebanon dawsang no dung zil e.

⁵Na sumlu-a na khuhlu khu Carmel lenmuol vum no sun sang, na besam a kaisuhte khu silpuon sandup no khu bang e. A sambawh[14] khu etin lawm e, vaimang’ henkol bul law na hi.

⁶Kang it vatuh, lungdei lanu![15] na duongsuo khu etin lawm sa’ng, ka lungtaina nangma hi teh.

⁷Na duong kikhai[16] lutu mam bang, na anglai-a nunkhum nigel a ga lunlaite khu bang e.

⁸A gam tulsing lutu dawnah baah bangin kei va kai vangin, ka banzal tawh a bazamte mawng bang va kawi tavang ci-in, tong hing lel ing. Na ang lai-a nunkhum nigel lengga bangin bawh pha hinlen, nangma’ husan gimnamte’n zong tulta apple gim zil taheh.

⁹Keima nei tawpnate[17] zong khu haning[18] kawm le kam sung zui-a a hing luong suh,[19] ningzu hlumpen dung zil taheh.

¹⁰Ka ngaino-a’ khu ka hi hi, a lungdei pen keima ka hi.

¹¹Hing leng vawi ven ka sen ngaino, gam tulta-ah va lai lengin vangkhuo tengah zankhuo sawtin sam bang zal vai.

¹²Lengguite zong tangna bangin a dawn suong tai, lengkungte zong a pa huomin mang kawlsingte a pallun tai, taikhuo val cieng maimit suon ding, laikhun tung pan zuongtho vai-in, lengga huon-ah vai lo kuon vai. Na vang mu bang ka ngaina teng nang pie sieng vang.

¹³Zawl-ai gimsi no hing lang ta, lungdei gasing namcin teng zong dawng kotbiengah li bang kicing. Gathei lui le gathei thate nang koipieh ing, ka sen ngai aw.