Read Zou ISAIAH 23 Bible Online

ISAIAH 23 - Zou bible

ISAIAH 23

¹Tyre tawh kisai thuphuon. Tarshish tembawte aw, kapin mau un, azieh pen na kulpi uh kisusie[62] zo hi. Cyprus panin ang pei lai-un amate in tam thu a za uhi.

²Tuipi gei-a tengte aw, sip dide un, Sidon sumbuhte aw, na kamtaite un tuipi[63] a kantan vua,

³tuale tui hatte tungah amate a om uhi; nang dinga phiengsieh kidongte pen Shihor gama pieng ante le Nile guna an kilate ahi hi. Note pen minamte’ sum bawlna na hi uhi.

⁴Sidon aw, maizum in, azieh pen tuipi in genzo hi, tuipi kulpi in tam bangin a gen hi: “Nausuoh natna ka vei ngai sih a, nau zong ka nei ngai sih hi, tangvalte ka khoi ngai sih a, nungahte zong ka khansuo ngai sih hi,” a ci hi.

⁵Egypt gamah tami thusuoh a kizah ciengin, Tyre thusuoh tungah amate lungkham ding uhi.

⁶Tuipi gei-a teng mite aw, Tarshish kantanin kap un!

⁷A kipatna tangtawng pan ahi, a gamlapi-a teng dinga a keng tawh a peipi, tam khuopi khu noma’ lungdamna khuopi ma ahi amah?

⁸Kumpi lukhu a khusah pa, a sumbuhte ulien vive hi-in, a sumbawlte uh leitunga a kizatah vive ahi, tami Tyre khuo sim dinga a gel khu koi ahei? A sumbuh bawlte lah uliente vive hi a, a vanleite uzong lah leitunga a kipahtate a hi sih uh amah?

⁹Vanglien TOPA Pasien in minthanna zieha kiphatsahna zosie tawpsah nading le leitunga a kipahtawite zosie zumsuo ding a gelzo hi.

¹⁰Tarshish[64] tembawte aw, noma’ gamah galkai un; tembaw khawlmun[65] om nawn lo hi.

¹¹Ama in tuipi tungah a khut zah a, kumpi gamte kilingsah hi. A kulpite a susie dingin Canaan tawh kisai-in TOPA in thu a pie hi.

¹²Ama in tam bangin a gen hi: A kibawlsie Sidon’ tanu ngahnu siengtho aw, nang na lungdam ngai ta sih ding hi; tho inlen Cyprus-ah galkai in. Tua sung nangawnah toidamna na mu sih ding hi.

¹³Chaldea-te’ gam en un! Tami namte khu Assyria-te ahi sih hi; amate in Tyre khu gamsate kuol nadinga a sesa ahi hi. Amate in khuopi buluna ding tausangte a daw vua, kumpi innte phelkhie-in a kisiet nadingin a bawl uhi.

¹⁴Tarshish tembawte aw, kap vangut un, azieh pen na kulpite uh kisie zo hi.

¹⁵Khum ni-a kipanin kumpipa khat’ khankum tan khat ahi kum sawmsagi sung Tyre kimangngil ding hi. Kum sawmsagi a tawp ciengin, numei pahtat khat tungtang la-a a na kitap bang teng Tyre tungah tung ding hi:

¹⁶“Nang, phawkhah lo numei pahtat nu aw, harp lasahna la inlen, khuopi sungah vah kawikawi in! Ang kiphawkia thei nadingin la ngai nono phuoh inlen, la tampi sa in.

¹⁷Kum sawmsagi a cin ciengin Tyre ah TOPA haw ding a, tuale ama nu in a nasep ngai semkia-in, lei tunga kumpi gam zosie lahah kizua-in a om ding hi.

¹⁸TOPA kungah ama nu’ sumbuh vante le a lawmante ki-ap ding hi; a summet ngate kikhol loin kituomkoi lo ding a, hizongle ama nu’ sumbuh vante pen TOPA’ opna munah a tengte adingin kicing taha a neh ding ule puonhoite leina-a a zah ding uh ahi hi.