Read Zou ISAIAH 4 Bible Online

ISAIAH 4 - Zou bible

ISAIAH 4

¹Tua ni ciengin numei sagi in papi khat pummatin, “Ka an ciet ne-in ka puon ciet ka sil ding uhi; nangma’ minin kote ei kihlansah beh inlen, ka minsietna uh ei lahpieh ta’n,” ci ding uhi.

²Khum ni ciengin TOPA’ bameng pen a melhoi-in minthang ding a, tuale leitang pana pieng gate pen a suohta lai Israel-te adingin a kisahtheipi ule a thupina uh hi ding hi.

³Zion khuo-a kinuasie mi poma le Jerusalem-a a omlai teng, Jerusalem ah khang tungtawn a om dingin a kiciemtesa mi zosie a siengtho kici ding a,

⁴TOPA in Zion numeite’ kidahhuoina teng a sawpsieng ciengin, Jerusalem khuolai panin thukhenna hlagau le meikuong hlagau in sisan baang teng a siengthosah hi.

⁵Tua ciengin TOPA in Zion Muol tunga om mun vannuoi le a kikhopna uh munte-ah sunin meikhu le zanin meikuong a omsah ding hi. TOPA’ thupina vang in khuopi a khu ding hi.

⁶Tua khu mandat bangin sunlai nisat cienga a hlim ding le huipi guopi pana kibuhna le bel ding ahi hi.