Read Zou ISAIAH 46 Bible Online

ISAIAH 46 - Zou bible

ISAIAH 46

¹Bel[125] pasien khupbawhin Nebo[126] pasien kunsuh a, a milimte uh vangih a puo ganhingte in a puo hi. Note’ puoh tami vante pen ganhing a gimte tungah vangih bangin kisuon hi.

²Amate kunin a khupbawh ton uhi; amate in a vangih puoh uh pengsah thei lo a, amate mama galmatin a pei zawsop uhi.

³Na suo-a kipan kang tawi, naubu sung pana kang puoh, Jacob innkuon, Israel innkuon panin a omlai zosiete aw, ka thu ngai un;

⁴na vuoi dong nangawnun keima khu ama ka hi a, na sam uh a kan dong nangawnun keima in note kang puo ding hi; keima in kang bawl zo a, keima in kang puo ding hi; keima in kang tawi ding a, kang hundam ding hi.

⁵Note in kei, koi tawh ei kisunsahin koi tawh ei kikimsah ding a, ka kibahpi dingin koi tawh ei tekah ding na hi uh ahei?

⁶Sum-ip pana kham a nopzah mite in tawitena tawh ngun te-in, khamseh pa a ciel vua, amate in tua nate pasien-in a bawlpieh hi; tua ciengin khupbawhin tua milim a bie uhi!

⁷A liengko vuah tua pasien khangin a puo vua, a opna munah koi-in tua munah kitung hi; a opna panin khum mun panin kikhin thei lo hi; ama tungah mi khatpo a kiko vangin ama in a dawng sih a, ama in lungkhamna panin zong koima a hunkhie thei sih hi.

⁸No thupalsat mite aw, tami thu phawhin ngaisun unlen, lungngai[127] pha unlen,

⁹hun lui thute phawh un; azieh pen kei Pasien ka hi a, adang koima om lo hi. Kei Pasien ka hi a, keima bang koima om lo hi.

¹⁰A kipat cil panin a tawp tanpha-in ka gen a, tangtawng lai panin a pieng nai lo nate genin, “Ka lungtup kip ding a, ka ngaisutna ka tangtun ding hi,” ka ci hi.

¹¹Nisuona panin sasiel a ne va khat ka hlan a, ka lungtup a sem dingin mun gamla panin mi khat ka hlan hi. Ka gensa ahi ta a, ka tangtun ding hi; ka gelsa ahi ta a, ka sem ding hi.

¹²No a lungtang khau mite le hutkhietna tawh a kigamla mite aw, ka thu gen ngai un;

¹³ka hutkhietna a nai-ah kang peipi a, a gamla sih hi. Tuale keima’ hutdamna khu a kiheh sih ding hi; keima’ minthanna ahi Israel adingin Zion ah ka hutdamna ka koi ding hi.