Read Zou KAA LA 5 Bible Online

KAA LA 5 - Zou bible

KAA LA 5

¹TOPA aw, kote tunga ang tung bang ahei ei phawh in; kote ei en inlen, ka zalatna uh ei mu in!

²Melmahte tungah ka gouluote uh kipie ta a, ka inn ka lote uzong pemtate tungah kipie ta hi.

³Kote pen tagate le pa nei lote ka hi ta uhi; ka nute uzong meigong ahi ta uhi.

⁴Ka dawn ding uh tuisih zong lei kul hi; ka vah ding uh sing zong lei kul hi.

⁵Ka ngawng vuah hahkol[13] ei kivaw-in ei kinawmang gawp hi; kote ka balia ta vua, tawlngah hun ka nga sih uhi.

⁶Kote in hin theina khop anneh mu nadingin Egypt-te le Assyria-te tawh[14] thukimna ka bawl zo uhi.

⁷Ka pu ka pate uh a maw uhi; amate a om nawn sih vua, tuaci’n amau’ khielna paat kote in ka puo uhi.

⁸Silate in kote tungah zingvai a hawm ta uhi; amau’ khut sung panin ei hunkhie ding koima om lo hi.

⁹Gamlahah namsau ziehin luong khamin neh le tah ka sui uhi.

¹⁰Gilkiel husapi ziehin lungthu bangin ka vunte uh a vomking hi.

¹¹Zion ah numeite le Judah khuopite ah ngahnute ei kibuonpieh hi.

¹²A khut utawh milien milalte a khailia vua, upate a kizatah nawn sih hi.

¹³Tangvalte an kipausuhsah a, naupangte sing kipuosh a, a puo zo loin a hawilenpi uhi.

¹⁴Tehsiete in khuopi tunkot a nuasie ta vua, khangnote in tumgingte a tum nawn sih uhi.

¹⁵Ka lungsim vua kipahna teng a tawp sieng kiukeu ta hi; nunnuoma ka lamkaina uh dana suoh ta hi.

¹⁶Ka lutung panun kumpi lukhu a kiesuh ta hi; kote ka tawnkhiel ziehun gimna thuoh ka hi ta uhi!

¹⁷Tam ziehin ka lungsim uh na a, tam thute ziehin ka mit uh a miel hi.

¹⁸Zion Muol a daidam tah ziehin tua tungah si-alte vah kawikawi uhi.

¹⁹Ahi vangin TOPA aw, nang kumtawnin na maang a, a khangkhangin na kumpi topha a kip den hi.

²⁰Bang dinga kote nei ci pum mangngil ahei? Bang dinga kote ni tampi sung nei taisan ahei?

²¹TOPA aw, kote kang kilekia thei nadingun nangma kungah ei peipi in; Masang lai-a bangin ka hinkhuo uh ei siemphat pieh in.

²²Ahi sihle nang in kote ei pumnuol na ta amah? Kote tunga na lungthahna ciengtan nei lo a hi ta amah?