Read Zou HOSEA 11 Bible Online

HOSEA 11 - Zou bible

HOSEA 11

¹A khangmoi lai-in Israel ka it a, Egypt panin ka tapa ka hlan hi.

²Keima[50] in hlan semsem leng, kei[51] kung pan gamla pei semsem hi; amate in Baal-te kungah kithoina a nei den vua, milimte kungah gimnamtui a hal den uhi.

³Hinanle Ephraim lam pei a kisinsah pa keima ka hi a, ka[52] khut tawh amate ka tu hi; ahi vangin ka damsah lam amate in a thei sih uhi.

⁴Migitna le itna khau tawh amate ka pui hi. Keima in a khagu tunga hahkol sutpiehin awnsuhin amate an ka pie hi.[53]

⁵Egypt gamah amate a kilekia ding vua, Assyria-te pen amau’ kumpi hi ding hi. Bangzieh ahei cile ka kungah amate ang kilekia nuom sih uhi.

⁶A khuopite sung vuah namsau kileh ding a, tua in thuphuon nga siempute vatmai-in, a gelnate ma un amate valtum ding hi.

⁷Ka mite in kei kung panin kihei ding a sawm teitei uhi. A sangna munah amate a kiko vangun amate kilamto tuon lo hi.[54]

⁸Ephraim aw, bangci danin nang hing tan thei ding ka hei? Israel aw, bangci danin midang hing pie thei ding ka hei? Bangci bangin Admah bangin nang hing bawl thei ding ka hei? Bangci bangin Zeboiim bangin hing bawl thei ding ka hei? Ka sungah ka lungtang kilumletlet hi; ka lainatna a khang hi.

⁹A zauhuoi ka lungthahna ka tungsah sih ding hi; Ephraim ka susiekia nawn sih ding hi; azieh pen keima Pasien ka hi a, note lahah a om mihing ka hi sih hi. Siengtho Pa ka hi ziehin a thangpaisa-in kang pei sih ding hi.[55]

¹⁰Amate in humpi banga a hawh TOPA a zui ding uhi; ama a hawh ciengin nitumna panin citun kawmin a tate ang pei ding uhi.

¹¹Vate bangin Egypt gam panin citun kawmin ang leng ding vua, Assyria gam panin vakhu bangin ang leng ding uhi; Keima in a inn ciet vuah ka peisahkia ding hi, TOPA in ci hi.

¹²[56] Ephraim in zuouthu tawh ei kuikhum a, Israel innkuon in solna tawh eite ei kuikhum hi; ahi vangin Judah tawh Pasien zawhton[57] lai a, Siengtho Pa tungah ama muon huoi hi.