Read Zou HOSEA 13 Bible Online

HOSEA 13 - Zou bible

HOSEA 13

¹Ephraim in thu a gen ciengin mite zau-in a citun uhi; Israel sungah ama a kipatawi hi; ahi vangin Baal tungtawnin khielna bawlin ama a si hi.

²Tu-in amate in mawna a bawl bebe vua, amate adingin a kisung milim bawlin, amau’ theitelna tawh kituohin ngun milim a bawl vua, tuate pen a unsiengin khutsiemte bawl ahi hi. Amate in, “Tamte tungah kithoi un,” a ci uhi. Mite in bawngno limte a nam uhi!

³Tua ahi ziehin amate pen zingmawnga a kai khuovui, a kang pai daitu, ancilna pana hui in a mutmang ansi le tawlet pana a pusuoh meikhu tawh a kibang ding uhi.

⁴Hinanle Egypt gama kipanin kei pen TOPA na Pasien uh ka hi hi; note in keima longal Pasien dang na thei sih uhi.

⁵Senel gam gawta ah an tawh ang vah[62] pa keima ka hi hi.

⁶Amate ka va[63] ciengin a gil uh a va hi; a gilva ciengun lah a kiphasah zel uhi; tua ahi ziehin amate in keima ei mangngil uhi.

⁷Tuaci’n amate adingin humpi ka bang ding a, kamkei bangin lampi gei-ah amate ka buhdap ding hi.

⁸A no kilahpieh vompi bangin amate ka bawh ding a, keima in amau’ lutang tuom a paante ka balkehpieh ding hi. Humpi bangin tua sungah amate ka nawmval ding a, gamsate bangin amate ka ehmal gawp ding hi.

⁹Israel aw, nang kang susie ding hi; koi in nang ang panpi ta diei?[64]

¹⁰Ama in ang hutdam thei nadingin tu-in[65] na kumpipa hei-a om ahei? Na khuopi zosie-a makaite, nang in, “Kumpi khat le makaite ei pie in,” na cite hei-ah a om ta uh e?

¹¹Ka lungthah ziehin keima in kumpi khat kang pie a, ka thangpai ziehin keima in ama ka la dawhkia ta hi.

¹²Ephraim’ khielna a kitunpieh hi; ama’ mawna kikoicing hi.

¹³Ama adingin nausuoh natna tung a, hinanle ama pen tapa mawlawm ahi hi; bangzieh ahei cile a suo hun a tun ciengin naubu gong panin ama le ama ang pusuoh sih hi.

¹⁴Misikhuo khut sung pan amate tan ding ka hi amah? Sina panin amate hunkhie ding ka mah? Sina aw, na gu hei-ah om[66] a, Misikhuo aw, na suhsietna hei-ah om[67] ahei? Ka mit panin lainatna a kiphuolmang ta hi.

¹⁵Pumpengte[68] lahah ama khanpha mama nanle senel gam panin TOPA’ nisuona huipi ang lang ding hi; tuale a tuinah kangin a tuikhuh a gawta ding hi. Tua in a gou koina sunga om van manpha zosie a semmang ding hi.

¹⁶[69] Samaria in ama’ khielna kipuoh ding hi, azieh pen ama in a Pasien a ledo hi; namsau tawh amate si ding a, a nausente uh a kituoncilin, a numei gaite uh’ gil kikuikeh pieh ding hi.