Read Zou HOSEA 14 Bible Online

HOSEA 14 - Zou bible

HOSEA 14

¹Israel aw, TOPA na Pasien kungah hing kilekia in. Azieh pen na khielna ziehin nang na kipalpua ta hi.

²Na thugen ding hing keng inlen, TOPA kungah hing kilekia in; ama kungah, “Khielna zosie lamang in; a hoi thute pom in, tuale kote in ka kam uh’ a ga[70] kang pie ding uhi.

³Assyria in ei hundam lo ding hi; sakolte tungah ka tuong sih ding uhi; ka khut utawh ka bawlsate uh kungah, ‘Kote’ Pasien,’ ka ci nawn sih ding uhi. Nangma sungah tagate in hepina a mu uhi,” ci un.

⁴Amau’ thumanlona ka damsah ding hi; amate suohta tahin ka it ding hi, azieh pen amate kung panin ka lungthahna kihei zo hi.

⁵Israel tungah daitui ka bang ding hi; unoh paape bangin ama paa ding a, Lebanon[71] gamlah bangin amate zung hla ding uhi.

⁶Ama’ dawnmeng teng bazau ta ding hi; ama’ hoi dan pen olive kung bang ding a, ama’ namtui dan pen Lebanon tawh kibang ding hi.

⁷Keima’[72] hlim nei-ah amate ang tengkia ding vua, huon lei[73] bangin amate khanpha mama ding uhi; lenggui bangin amate a paa ding vua, a gimnamtui dan pen Lebanon lenggazu a bang ding uhi.

⁸Ephraim aw, milimte tawh kei[74] bang kisai ka hei? Nang ang dawng pa le nang[75] ang don pa keima ka hi hi. Kei pen na a dawng taasing tawh ka kibang hi; na thumanna[76] pen keima kung pana ang pei ahi hi.

⁹Mipilte in tam thute a theitel uhi; thu khinkhai theite in tuate a thei uhi. Azieh pen TOPA’ lampi man a, thutang mite in tua lampi zui uhi, ahi vangin thupalsat mite ahi ule tuate sungah a kipalpuo uhi.