Read Zou HOSEA 2 Bible Online

HOSEA 2 - Zou bible

HOSEA 2

¹[6] Na sanggampa[7] ‘ka mite’[8] ci inlen, na sanggamnu’[9] a kikhuotuo’[10] ci in.

²Na nu uh kuppi-in thuhil un. azieh pen ama ka zi hi nawn loin a pasal zong ka hi nawn sih hi. A pahtat melsuo khel hinlen, a angkawm nopna lungsim paikhie heh.

³Tua ahi sihle a puonte hawhin a guohtangin ka omsah ding a, a suo ni-a bangin mi musietin ka koi ding hi. Senel gam gawta bangin ka bawl ding a, a dangta-in ka sisah ding hi.

⁴A tate tungah zong khuotuona ka nei sih ding hi. Bangzieh ahei cile amate numei pahtat’ tate ahi uhi.

⁵A nu uh a pahtat ziehin amate a pai ama pen zumhuoi tahin a gamta ahi hi. Azieh pen ama in, “Ka lawm ngaite kungah ka pei ding hi. Amate in kei adingin an le tui, samul puon le saihadiel puon, olive thau, le ka dawn ding ei pie uhi,” a ci hi.

⁶Tua ahi ziehin ama[11] lampi-ah lingthaw ka get ding hi; ama in a lampi a mu thei lo nadingin kul ka cienlu ding hi.

⁷Ama in a lawm ngaite nuadel ding a, hinanle amate a pha sih ding hi. Ama in amate sui ding a, hinanle mu lo ding hi. Tua ciengin ama in, “Ka pei ding a, ka pasal masa pen kungah ka kinuale kia ding hi. Azieh pen tu sangin ama tawh ka opton lai nuom zaw tham lai hi,” a ci hi.

⁸Ama in an, zu, le sathau a pie pa kei ka hi lam le, Baal biehna dinga a nop a thei-a a zah ngun le kham a pie pa keima ka hi lam a thei sih hi.

⁹Tua ahi ziehin anlah huna ka ante le lenggazu lah huna ka lenggazute ka nualah kia ding hi. A guohtang hina a sena samul puon le saihadiel puonte ka lakia ding hi.

¹⁰Tu-in a lawm ngaite muna-ah a puonte ka lempieh ding a, ka khut sung panin koima in ama a hunkhie sih ding hi.

¹¹Keima in ama’ guolnopna zosie, a pawite, a hla thate, a sabbath nite le a kisesa a pawi bawlte uh ka khawlsah ding hi.

¹²“Tamte khu ka lawm ngaite ei thapna ahi hi,” ci-a a gen a lenggui lote le a theikungte ka susie ding hi. Tuate gamlah suohsahin gamsate in tuate netum ding uhi.

¹³Baal-te pawi bawl ni ciengin amate kungah gimnamtui a hal zieh le, khutsip le suongmanphate tawh a kizep ciengin keima ei mangngilin a lawm ngaite a nuadel ziehin, ama dan ka pie ding hi, TOPA in ci hi.

¹⁴Tua ahi ziehin tu-in ama zawlin senel gamah ka zawpi ding a, damtahin ama ka hopi ding hi.

¹⁵Keima in khum mun panin a lengga lote ka pie ding a, Achor Kuompi pen lametna kotpi ka suohsah ding hi.

¹⁶Khum ni ciengin, “Ka pasal,” ci-in nei hlan ding a, “Ka Baal,”[12] ci-in nei hlan nawn sih ding hi.

¹⁷Azieh pen a kam panin Baal pasien-te’ min ka ladawh ding a, amate a min kilo kha nawn lo ding hi.

¹⁸Khum ni ciengin keima in note[13] adingin gamsate, vana a leng vate, le leitunga a bawhva ganhingte tawh thuciemna khat ka bawl ding hi; tuale keima in leitung panin thal, namsau, gal kidonate ka phietmang[14] ding a, lungmuong tahin note kang omsah ding hi.

¹⁹Keima in kumtawn zi dingin nang kang la ding a, thudih le thutang, itna kip le hepina tawh ka zi dingin kang la ding hi.

²⁰Keima in citahna tawh ka zi dingin kang la ding hi; tuale nang in TOPA na thei ding hi.

²¹Khum ni ciengin kang dawng ding hi, TOPA in ci a, keima in vante’ thugen ka dawng ding a, amate in leitung’ thugente a dawng ding uhi;

²²tuale leitung in an, lenggazu, le sathau-te’ thugente dawng ding a, amate in Jezreel’[15] thugente a dawng ding uhi;

²³tuale keima adingin gam sungah khaici bangin ama[16] ka tu ding hi. Keima in a kikhuotuo lote[17] ka khuotuo ding a, ka mi ahi lote[18] kungah, “Ka mite na hi uhi,” ka ci ding hi. Ama in, “Nang ka Pasien na hi hi,” ei ci ding hi,” a ci hi.