Read Zou GAMLAH VANA 29 Bible Online

GAMLAH VANA 29 - Zou bible

GAMLAH VANA 29

¹A hla sagina a ni masa ni-in a siengtho kikhopna khat na nei ding uhi; note in leitung nasepte na sem sih ding uhi. Khum ni pen note dingin pengkul na tum ni ding uh ahi a,

²TOPA tungah a gimnamtui meihal biehna-in bawngtang ano khat, tuutang khat, le kum khat a pha paubang lo tuuno apa sagi na pie ding uhi.

³An tawh a biehna uh pen sathau kihal annel tuituoh hi ding a, bawngtang khatah ephah khat’ sesawm-suo-sethum, tuutang khatah sesawm-suo -seni,

⁴le tuuno sagite khatah sesawm-suo-sekhat ciet hi ding hi;

⁵noma ading thoidamna bawl nadingin mawna zieha biehna-in keel apa khat hi ding hi.

⁶Tam teng pen hla tha meihal biehna le an tawh biehna, tatsatlo meihal biehna, an tawh biehna, le tuate dinga ngaina a om bangin TOPA ading a gimnamtui le mei tawh kihal biehna ahi dawn thei biehnate banah bawlbe lai dingte ahi hi.

⁷Tam hla a sagina a ni sawm ni-in a siengtho kikhopna khat na bawlin noma le noma[94] na kideh ding uhi; note in na na sem sih ding uhi.

⁸TOPA tungah a gimnamtui meihal biehna-in bawngtang ano khat, tuutang khat, kum khat a pha tuuno apa sagi na pie ding vua, tuate pen paubang lo hi ding hi.

⁹An tawh a biehna dingun bawngtang khatah sathau kihal annel tuituoh ephah khat’ sesawm- suo-sethum, tuutang khatah sathau kihal annel tuituoh sesawm-suo-seni,

¹⁰tuuno sagite khatah sesawm-suo- sekhat hi ding hi;

¹¹thoidamna bawl nadingin mawna zieha biehna, tatsatlo meihal biehna, an tawh biehna, le dawn thei biehnate banah mawna zieha biehna dingin keel apa khat tawh hi ding hi.

¹²Note in a hla sagina ni sawm le ni nga ni-in a siengtho kikhopna khat na bawl ding uhi; leitung nasepte na sem sih ding uhi. TOPA adingin ni sagi sung pawi na bawl ding uhi.

¹³TOPA tungah a gimnamtui, mei tawh kihal biehna dingin bawngtang ano sawm le thum, tuutang ni, kum khat a pha tuuno apa sawm le ni na pie ding uhi. Tuate pen paubang lo hi ding hi.

¹⁴An tawh a biehna dingun bawngtang sawm le thumte khatah ephah khat’ sesawm-suo-sethum, tuutang nite khatah sesawm suo seni,

¹⁵le tuuno sawm le lite khatah sesawm-suo-sekhat hi ding hi;

¹⁶tatsatlo meihal biehna, an tawh biehna le dawn thei biehnate banah mawna zieha biehna adingin keel apa khat zong hi ding hi.

¹⁷A ni ni ni-in bawngtang ano sawm le ni, tuutang ni, kum khat a pha paubang lo tuuno apa sawm le li,

¹⁸a phaza tawh kizui-a a kiciengtan bangin bawngtangte, tuutangte, le tuunote adingin an tawh biehna le dawn thei biehnate tawh kipie ding hi;

¹⁹tatsatlo meihal biehna, an tawh biehna le dawn thei biehnate banah mawna zieha biehna dingin keel apa khat zong hi ding hi.

²⁰A ni thum ni-in bawngtang sawm le khat, tuutang ni, le kum khat a pha paubang lo tuuno apa sawm le li,

²¹a phaza tawh kizui-in a kiciengtan bangin bawngtangte, tuutangte, le tuunote adingin an tawh biehna le dawn thei biehnate tawh hi ding hi;

²²tatsatlo meihal biehna le an tawh biehnate banah mawna zieha biehna dingin keel apa khat zong hi ding hi.

²³A ni li ni-in bawngtang sawm, tuutang ni, le kum khat a pha paubang lo tuuno apa sawm le li,

²⁴a phaza tawh kizui-in a kiciengtan bangin bawngtangte, tuutangte, le tuunote tawh pieh dingin an tawh biehna le dawn thei biehnate tawh hi ding hi;

²⁵tatsatlo meihal biehna, an tawh biehna, le dawnthei biehnate banah mawna zieha biehna dingin keel apa khat zong hi ding hi.

²⁶A ni nga ni-in bawngtang kuo, tuutang ni, kum khat a pha paubang lo tuuno apa sawm le li,

²⁷a phaza tawh kizui-in a kiciengtan bawngtangte, tuutangte, le tuunote tawh pieh dingin an tawh biehna le dawn thei biehnate tawh hi ding hi;

²⁸tatsatlo meihal biehna le an tawh biehnate banah mawna zieha biehna dingin keel apa khat zong hi ding hi.

²⁹A ni guh ni-in bawngtang giet, tuutang ni, le kum khat a pha paubang lo tuuno apa sawm le li,

³⁰a phaza tawh kizui-in a kiciengtan bawngtangte, tuutangte, le tuunote tawh pieh dingin an tawh biehna le dawn thei biehnate tawh hi ding hi;

³¹tatsatlo meihal biehna, an tawh biehna, le dawn thei biehnate banah mawna zieha biehna dingin keel apa khat zong hi ding hi.

³²A ni sagi ni-in bawngtang sagi, tuutang ni, le kum khat a pha paubang lo tuuno apa sawm le li,

³³a phaza tawh kizui-in a kiciengtan bawngtangte, tuutangte, le tuunote tawh pieh dingin an tawh biehna le dawn thei biehnate tawh hi ding hi;

³⁴tatsatlo meihal biehna, le dawn thei biehnate banah mawna zieha biehna dingin keel apa khat zong hi ding hi.

³⁵A ni giet ni-in note in kikhopna thupi khat na nei ding uhi; leitung nate na sem sih ding uhi.

³⁶TOPA dingin a gimnamtui, meihal biehna dingin bawngtang khat, tuutang khat, kum khat a pha paubang lo tuuno apa sagi,

³⁷a phaza tawh kizui-in a kiciengtan bawngtang, tuutang, le tuunote tawh pieh dingin an tawh biehna le dawn thei biehnate hi ding hi;

³⁸tatsatlo meihal biehnate banah mawna zieha biehna dingin keel apa khat zong hi ding hi.

³⁹Na kiciemna zieh vua biehnate le nop thu-a na biehnate ban vuah na meihal biehnate uh bangin an tawh na biehnate uh, dawn thei na biehnate uh, le thunuoma na biehnate uh, a kise na pawi hunte vuah tam teng, TOPA tungah na pie ding uhi.

⁴⁰[95]Tuaci’n TOPA in Moses a thupieh bangin Moses in Israel-te tungah a unpi-in a gen hi.