Read Zou ROME-TE 16 Bible Online

ROME-TE 16 - Zou bible

ROME-TE 16

¹Cenchreae khuo-a om numei pawlpi upa[60] ahi, i sanggam nu Phoebe pen mihoi ahi lam kang theisah hi.

²Ama pen mi tampi le kei mama zong ei panpi khat ahi ziehin, a kisapna khatpopo-ah na hu unlen, misiengthote’ sep dinga a kilawm ahi ma bangin TOPA’ min tawh ama na sang un.

³Khris Jesu sungah ka seppi Prisca le Aquila-te zong ei na noset pieh un.

⁴Ama gel pen kei dinga a si ngam ahi vua, ama gel tungah kei beh a lungdam ka hi sih a, Gentile hlattuom pawlpi zosie zong lungdam uhi.

⁵Ama gel’ inn a kikhawm hlattuom pawlpite zong ei na noset pieh un. Asia gamah Khris adinga a kikhel masa pen,[61] ka lawm it Epaenetus ei na noset pieh un.

⁶Note lahah nasep pawnthaw mama ahi Mary zong ei na noset pieh un.

⁷Ka thongkiehpi le keima’ tanaute[62] Andronicus le Junia[63] zong ei na noset pieh un.; ama gel pen sawltahpite lahah mi thupi ahi vua, kei sangin zong Khris a um masa zawte ahi uhi.

⁸TOPA sungah ka it Ampliatus ei na noset pieh un.

⁹Khris sunga i seppi uh ahi Urbanus le ka it Stachys-te ei na noset pieh un.

¹⁰Khris sunga mi citah Apelles zong ei na noset pieh un. Aristobulus’ innkuonpite zong ei na noset pieh un.

¹¹Ka tanau[64] Herodion zong ei na noset pieh un. TOPA sunga a om Narcissus innkuonpite ei na noset pieh un.

¹²TOPA sunga nasem Tryphaena le Tryphosa-te zong ei na noset pieh un. TOPA sunga nasep pawnthaw ka lawm it Persis zong ei na noset pieh un.

¹³TOPA sunga a kiteel Rufus ei na noset pieh un; keima in zong nu ka ci ama’ nu ei na noset pieh un.

¹⁴Asyncritus, Phlegon, Hermes, Patrobas, Hermas le amate tawh a omton tanaute zong ei na noset pieh un.

¹⁵Philologus le Julia, Nereus le a sanggam nu, Olympas le amate tawh omton misiengthote zosie zong ei na noset pieh un.

¹⁶Note khatlekhat siengtho kitawpna tawh ei na noset pieh un. Hlattuom Khris’ pawlpi zosie in note ang noset uhi.

¹⁷Sanggamte aw, note in na sinsa uh ahi thuhilna tawh ki-elngat, pawl kikhenna le khielna a piengsah mite encienin pel un, ci-in kang hanthawn hi.

¹⁸Bangzieh ahei cile tua bang mite pen i TOPA Khris’ na sem ahi ngap sih vua, amau’ ankam tui nading bepin kamsiem le mi maitang phatna tawh mimawlte’ lungsim sol ahi bo uhi.

¹⁹Azieh pen thu na manna uh mi zosie in thei ahi ziehin note vangin ka kipah a, thuhoi lamah mipil na hi ding ule, thusie lamah maw baang lo na hi ding uh ka dei hi.

²⁰Nopsahna Pasien in a sawt loin Satan tuoncilin na keng nei vuah ang koi ding hi. Note tawh i TOPA Jesu Khris’ hepina hing om taheh!

²¹Ka naseppi Timothy in ang noset a, tua ma bangin ka tanaute ahi Lucius, Jason le Sosipater-te in zong ang noset uhi.

²²Tam laigiel pa ahi keima Tertius in zong TOPA’ min tawh kang noset uhi.

²³Keima le hlattuom pawlpi buppi zin ei do Gaius in zong note ang noset hi. Khuopi sumkem pa Erastus le i sanggam pa uh Quartus-te in ang noset uhi.

²⁴I TOPA Jesu Khris’ ei hepina note zosie tawh hing om taheh. Amen.[65]

²⁵Tu-in kum sawtveipi sung a kiselcip thuthuh kilahna tawh kizui-in keima in ka hil lungdamna thu le Jesu Khris’ thu tangkona tawh note ang thakhausah thei pa pen Pasien ahi a,

²⁶hizongle tawntung Pasien’ thupieh dung zui le kamsangte’ gielsa thute tungtawnin Gentile-te zosie tungah theisahin upna thu aman thei nadingun ama in tu-in tua thu a pholah zo hi.

²⁷Jesu Khris tungtawnin a pil Pasien khat beh tungah minthanna om tawntung taheh! Amen.