Read Zou JOSHUA 15 Bible Online

JOSHUA 15 - Zou bible

JOSHUA 15

¹Amau’ innkuon tawh kizui-in Judah mite’ nga pen leitaw lam Edom gamgi dong tung a, leitaw lam a gamla pen mun Zin gam dong bansuh hi.

²Leitaw lam amau’ gamgi pen Si Tuipi[26] tawpna dong, leitaw lam kinga tuidawh panin kipan hi;

³leitaw lam Akrabbim katona pan peisuohin Zin dong ban a, Kadesh-barnea leitaw lama Hezron dung zui-in Addan cieng dong peito a, Karka lamah kihei-in,

⁴Azmon dungah peisuoh a, Egypt Lui-ah pusuohin tuipi-ah a tawp hi. Tam pen na leitaw lam gamgi ding uh ahi hi.

⁵Tuale nisuona lam gamgi pen Si Tuipi[27] ahi a, Jordan gun tunna dong ahi hi. Leilu lampang gamgi pen Jordan gun tunna tuipi dawh panin kipan hi;

⁶tuale Beth-hoglah lamah gamgi peito-in, Beth-arabah leilu lamah peisuoh a, Reuben tapa Bohan’ Suongtumpi dongin tua gamgi peito a,

⁷Akor Kuom panin Debir dong gamgi peito a, leilu lam manaw-in Adummin katona tawh kimaingat-a om Gilgal lamah kihei hi; En-shemesh lui dungah gamgi pei-in En-rogel ah tawp hi;

⁸tua ciengin Jebus-te’ (Jerusalem a cina); leitaw lam kumsuhna a om Hinnom’ tapa kuomah gamgi peito a, Rephaim kuom leilu lam mong, nitumna lam Hinnom kuom galkhatah a kihlung muol dawnah gamgi kato hi;

⁹tua ciengin muolvum panin Nephtoah tuite’ tuinah dongah kihlung a, tua panin Ephron Muol khuopite-ah kihlung phei hi. Tua ciengin Baalah (Kiriath-jearim a cina) lamah gamgi kuol pei hi.

¹⁰Baalah nitumna lam Seir Muolah gamgi kiviel a, tua panin peisuohin Jearim Muol (Chesalon a cina) leilu lam muolken ah peisuohin Beth-shemesh-ah peisuh a, Timnah gei-ah peisuoh hi;

¹¹Ekron leilu lam muolken ah gamgi pei a, Shikkeron ah kivielin, tuale Baalah muol zui-in Jabneel-ah pusuoh hi; tua ciengin tuipi-ah tawp hi.

¹²Nitumna lam gamgi pen tuipi lien Mediterranean le a dung teng ahi hi. Tam pen amau’ innkuon tawh kizui-in Judah mite kimvela gamgi ahi hi.

¹³TOPA in Joshua a thupiehna tawh kizui-in ama in Judah mite lahah Jephunneh’ tapa Caleb tungah tanh khat ahi Kiriath-arba,[28] Hebron a cina, (Arba pen Anak’ pa hi) a pie hi.

¹⁴Caleb in khum panin Anak’ tapa thumte Sheshai, Ahiman le Talmai, Anak’ suonlehlahte a notmang hi.

¹⁵Khum panin Debir-a tengte sim dingin ama kuon to hi; tu-a Debir a min pen nidangin Kiriath-sepher kici hi.

¹⁶Caleb in, “Kiriath-sepher sim-a, a la zo pa tungah a zi dingin ka tanu Achsah ka pie ding hi,” a ci hi.

¹⁷Caleb’ sanggampa Kenaz’ tapa Othniel in la zo hi. Tuale ama in a zi dingin a tanu Achsah a pie hi.

¹⁸A kungah tua nu a tun ciengin a pa kungah logam khat ngen dingin a pausawl hi. A laa tung panin a kum ciengin Caleb in tua nu kungah, “Bang dei na hei?” a ci hi.

¹⁹Tua nu in ama kungah, “Letsong khat ei pie in. Negeb gamah nei koi tah ngalin cia tuikhuhte zong ei pie in,” a ci hi. Tuaci’n Caleb in ciatui tungta le ciatui neitate ama a pie hi.

²⁰Tam teng pen amau’ innkuon tawh kizui-in Judah minamte’ gouluo ahi hi.

²¹Lei tawlam gam mong Edom gamgi lamah Judah minamte’ nei khuopi te: Kabzeel, Eder, Jagur,

²²Kinah, Dimonah, Adadah,

²³Kedesh, Hazor, Ithnan,

²⁴Ziph, Telem, Bealoth,

²⁵Hazor-hadattah, Kerioth-hezron (Hazor a kici )

²⁶Amam, Shema, Moladah,

²⁷Hazar-gaddah, Heshmon, Beth-pelet,

²⁸Hazar-shual, Beer-sheba, Biziothiah,

²⁹Baalah, Iim, Ezem,

³⁰Eltolad, Chesil, Hormah,

³¹Ziklag, Madmannah, Sansannah,

³²Lebaoth, Shilhim, Ain, le Rimmon: a unpi-in khuopi sawmni le kuo, a khuoneute utawh ahi hi.

³³Tuale lei ngiemna lamah Eshtaol, Zorah, Ashnah,

³⁴Zanoah, En-gannim, Tappuah, Enam,

³⁵Jarmuth, Adullam, Socoh, Azekah,

³⁶Shaaraim, Adithaim, Gederah, Gederothaim: khuopi sawm le li le a khuoneute utawh ahi hi.

³⁷Zenan, Hadashah, Migdal-gad,

³⁸Dilan, Mizpah, Jokthe-el,

³⁹Lachish, Bozkath, Eglon,

⁴⁰Cabbon, Lahmam, Chitlish,

⁴¹Gederoth, Beth-dagon, Naamah, le Makkedah: khuopi sawm le guh le a khuoneute utawh ahi hi.

⁴²Libnah, Ether, Ashan,

⁴³Iphtah, Ashnah, Nezib,

⁴⁴Keilah, Achzib, le Mareshah: khuopi kuo le a khuoneute utawh ahi hi.

⁴⁵Ekron, a khut nei-a teng le a khuoneute utawh ahi hi;

⁴⁶Ekron panin tuipi dong, Ashdod lam nai-a om zosie, a khuoneute utawh ahi hi.

⁴⁷Ashdod, a khuopite le a khuoneute utawh ahi hi; Gaza, a khuopite le a khuoneute utawh ahi hi; Egypt Lui dong le Tuipi Lien gei cieng dong tawh ahi hi.

⁴⁸Tuale muoltung gamah, Shamir, Jattir, Socoh,

⁴⁹Dannah, Kiriath-sannah ( Debir a kici),

⁵⁰Anab, Eshtemoh, Anim,

⁵¹Goshen, Holon, le Giloh: khuopi sawm le khat, a khuoneute utawh ahi hi.

⁵²Arab, Dumah, Eshan,

⁵³Janim, Beth-tappuah, Aphekah,

⁵⁴Humtah, Kiriath-arba ( Hebron a kici ), le Zior: khuopi kuo le a khuoneute utawh ahi hi.

⁵⁵Maon, Carmel, Ziph, Juttah,

⁵⁶Jezreel, Jokdeam, Zanoah,

⁵⁷Kain, Gibeah, le Timnah: khuopi sawm le a khuoneute utawh ahi hi.

⁵⁸Halhul, Beth-zur, Gedor,

⁵⁹Maarath, Beth-anoth, le Eltekon: khuopi guh le a khuoneute utawh ahi hi.

⁶⁰Kiriath-baal ( Kiriath-jearim a kici) leh Rabbah: khuopi ni le a khuoneute utawh ahi hi.

⁶¹Senel gamah Beth-arabah, Middin, Secacah,

⁶²Nibshan, Ci Khuopi, le En-gedi: khuopi guh le a khuoneute utawh ahi hi.

⁶³Ahi vangin Judah mite in Jerusalem-a teng Jebus-te a notkhie zo sih uhi, tuaci’n tuni dongin Jebus-te pen Judah mite tawh Jerusalem-ah a tengton uhi.