Read Zou JOSHUA 19 Bible Online

JOSHUA 19 - Zou bible

JOSHUA 19

¹Amau’ innkuon tawh kizui-in Simeon minam dingin aisan a niveina tung hi; amau’ gouluo in Judah minamte’ gouluo gam sung huom hi.

²A gouluote uh pen Beer-sheba, Sheba, Moladah,

³Hazar-shual, Balah, Ezem,

⁴Eltolad, Bethul, Hormah,

⁵Ziklag, Beth-marcaboth, Hazar-susah,

⁶Beth-lebaoth, le Sharuhen khuopi- sawm le thum le a khuoneute tawh ahi hi;

⁷Ain, Rimmon, Ether, le Ashan - khuopi li le a khuoneute tawh ahi hi;

⁸Negeb gam Ramah-a om Baalath-beer cieng dong le a kima om khuoneute zosie tawh ahi hi. Tam pen a innkuon zui-a Simeon minamte’ gouluo ahi hi.

⁹Simeon minam’ gouluo in Judah minamte’ gam sung kimkhat a huom hi; azieh pen Judah minamte’ tanh pen amate dingin gol luo a, tua ziehin Simeon minam in amau’ gouluo sung panin gouluo a ngasawn uhi.

¹⁰Amau’ innkuon tawh kizui-in Zebulun minam dingin aisan a thumveina tung hi. Amau’ gouluo gamgi in Sarid cieng dong ban hi;

¹¹tua ciengin nitumna lamah a gamgi peito-in, Maralah ah peisuoh a, Dabbesheth va su ta a, tua ciengin Jokneam nisuona lama om lui ban hi;

¹²Sarid panin nisuona lamah kilehei a, nisuona lam zuonin Chisloth-tabor gamgi dong tung hi; khum panin Daberath-ah pei-in Japhia cieng banto hi;

¹³khum panin nisuona lama suolam nawtin Gath-hepher, Eth-kazin suolam nisuona lam nawtin Rimmon ah peisuohin Neah lamah kawi hi;

¹⁴tua ciengin leilu lama gamgi Hanathon lamah kihei a, Iphtah-el kuomah tawp hi.

¹⁵Kattath, Nahalal, Shimron, Idalah, le Bethlehem-khuopi sawm le ni le a khuoneute tawh ahi hi.

¹⁶Tam pen a innkuon tawh kizui-in Zebulun minamte’ gouluo hi a, tam pen amau’ khuopite le a khuoneute tawh ahi hi.

¹⁷A innkuon utawh kizui-in Issachar minamte dingin aisan a liveina tung hi.

¹⁸A gam in Jezreel, Chesulloth, Shunem,

¹⁹Hapharaim, Shion, Anaharath,

²⁰Rabbith, Kishion, Ebez,

²¹Remeth, En-gannim, En-haddah, le Beth-pazzez teng huom hi.

²²Gamgi in Tabor, Shahazumah, le Beth-shemesh zong ban a, Jordan lui-ah a gamgi tawp hi; a khuopi uh sawm le guh le a khuoneute tawh ahi hi.

²³Tam teng pen amau’ innkuon zui-in Issachar minamte’ gouluo ahi a, a khuopite ule a khuoneute tawh ahi hi.

²⁴Amau’ innkuon tawh kizui-in Asher minam dingin aisan a ngaveina tung hi.

²⁵Amau’ gamgi huomte pen Helkath, Hali, Beten, Achshaph,

²⁶Allammelech, Amad, le Mishal-te kihal hi; tua in Nitumna lamah Carmel le Shihor-libnath ban a,

²⁷tua ciengin nisuona lamah kihei-in Beth-dagon ah pei a, leilu lam Beth-emek le Neiel lamah Zebulun le Iphtahel kuom dong ban hi; tua ciengin leilu lam Cabul,

²⁸Ebron, Rehob, Hammon, Kanah, le a Lien Sidon cieng dongah peito lai hi;

²⁹tua ciengin Ramah ah gamgi kihei a, kul tawh ki-im Tyre khuopi dong tung hi; tua ciengin Hosah ah gamgi kihei a, tuipi ah tawp hi. Mahalab,[36] Achzib,

³⁰Ummah, Aphek, le Rehob - khuopite huom a -khuopi sawmni le ni le a khuoneute tawh ahi hi.

³¹Tam pen a innkuon zui-a Asher minamte’ gouluo ahi a, tam khuopite a khuoneute tawh ahi hi.

³²Amau’ innkuon tawh kizui-in Naphtali minam dingin aisan a guhveina tung hi.

³³A gamgi pen Heleph, Zaanannim-a om gangpi sing pan, le Adami-nekeb, le Jabneel panin Lakkum cieng dong pei hi; tuale Jordan ah a tawp hi;

³⁴tua ciengin nitumna lam Aznoth-tabor ah gamgi kihei a, khum panin Hukkok ah pei-in leitaw lamah Zebulun sukha a, nitumna lamah Asher, nisuona lamah Jordan-a Judah ban hi.

³⁵Kulpi tawh a ki-im khuopite pen Ziddim, Zer, Hamath, Rakkath, Chinnereth,

³⁶Adamah, Ramah, Hazor,

³⁷Kedesh, Edrei, En-hazor,

³⁸Iron, Migdal-el, Horem, Beth-anath, le Beth-shemesh - khuopi sawm le kuo le a khuoneute tawh ahi hi.

³⁹Tam pen a innkuon tawh kizui-in Naphtali minamte’ gouluo ahi a, a khuopite le a khuoneute tawh ahi hi.

⁴⁰Amahaw’innkuon tawh kizui-in Dan minamte dingin aisan a sagiveina tung hi.

⁴¹Ama’ gouluo gam in Zorah, Eshtaol, Ir-shemesh,

⁴²Shaalabin, Aijalon, Ithlah,

⁴³Elon, Timnah, Ekron,

⁴⁴Eltekeh, Gibbethon, Baalath,

⁴⁵Jehud, Bene-berak, Gath-rimmon,

⁴⁶Joppa galkhata om Me-jarkon le Rakkon-a gamte tawh huom hi.

⁴⁷Dan-te in a gam uh a tan bepun Dan-te kuonto-in Leshem a sim vua, amate manin namsau tawh a thazaw ciengun tua gam luo-in a sungah a teng vua, a pupi uh Dan’ min la-in Leshem pen Dan a phuo uhi.

⁴⁸Tam khu amau’ innkuon tawh kizui-in Dan minamte’ gouluo ahi a, tam khuopite, a khuoneute tawh ahi hi.

⁴⁹Amate in leitang tampitah gou-in a hawm sieng zaw ciengun Israel-te in Nun’ tapa Joshua zong amate lahah gouluo a pie uhi.

⁵⁰TOPA’ thupieh bangin amate in ama’ nget khuopi, Ephraim muoltung gama om Timnath-serah pen ama a pie uhi. Ama in tua khuopi lamkia-in a sungah a teng hi.

⁵¹Tam teng siempu Eleazar le Nun’ tapa Joshua le Israel minam innkuon lutangte in kikhopna buh lutna, TOPA mai Shiloh ah aisanna tawh a hawm uh gouluote ahi hi. Tuaci’n amate in leitang hawmna a man uhi.