Read Zou TITUS 2 Bible Online

TITUS 2 - Zou bible

TITUS 2

¹Ahi vangin nang na hile thuhilna man tawh kituohin thu na hil in.

²Pasal khanghamte pen a kideh zo mi, a zatah huoi mi, a pilvang mi, upna man a nei mi, itna a nei mi, le thuoh zawhna a nei mi ahi nadingun na gen in.

³Tua ma bangin numei khanghamte zong a gamtatna uh zatah baang mi, mi gensie lo mi, zu’ sila a suoh lo mi ahi nadingun na gen in; amate in thu a hil ding vua,

⁴tuaci’n nupilate in a pasalte le a tate uh a it nadingun hanthawnin,

⁵Pasien’ thu a kigensiet lo nadingin amau le amau a ki-uh thei, a gamtat siengtho, inn sung vaihawm siem mi, a migi, le a pasalte thu a mang mi a suo nading uh ahi hi.

⁶Tua ma bangin pasal khangdawngte in a pumpi uh a ki-uh zo ciet nadingun hanthawn in.

⁷Nang mama in sil bangkimah gamtat hoina limpha na lah inlen, na thuhilna ah citahna le zatah huoina lahin,

⁸a kimawsah thei lo thutah na zang in; tua hile ei langpan mite in ei gensiet nading uh bangma thu mu loin a maizum ding uhi.

⁹Silate in a pute uh thu mang a, sil bangkimah amate a lungkimsah thei nading uh gen in; amate selkia loin,

¹⁰a nate uzong guhdappieh loin sil bangkimah i hundam pa uh Pasien’ thuhilna a etlawmsah ahi thei nadingun a kicing le a bukim a muonhuoina uh a kilahsah thei nadingun gen in.

¹¹Bangzieh ahei cile mi zosie tunga hutdamna thu a puoh Pasien’ hepina ang kilang zo a,

¹²tua hepina in Pasien zatah lona le leitung cilesa deigawnate paimang dingin eite ei hil a, tuhun leitungah i pumpi ki-uh zo-in, thutang le Pasien zataha i hin nadingin ei hil kawmin,

¹³a lien i Pasien le i hundam pa Jesu Khris vanglien tahin ang kilah nading a manpha lametna ngahin i om uhi.

¹⁴Ama in eite gitlona zosie panin ei tankhie-in ama’ neituom mite ei sienthosah nading le nasep hoi i sep nop nadingin eite adingin amama ang kipumpieh zo hi.

¹⁵Tami thute gen inlen, thuneina[4] zosie tawh hanthawnin phawhsie in. Koima’ simmaw-in om sin.