Read Zou 1 JOHN 1 Bible Online

1 JOHN 1 - Zou bible

1 JOHN 1

¹A kipat cila na omsa, ka na zahsa uh, ka mit vua ka na musa uh, ka na etciensa ule ka na thamsa uh hinna thu tawh kisai-in note kungah kang gen uhi.

²Tami hinna pen ang kilang zo ta a, kote in mu-in tua thu teci a pang ka hi uhi.

³Note zong kote tawh na kipawlton thei nadingun ka musa ule ka zahsa uh thute no tungah kang tangko hi; a tahtahin kote zong Pa le a Tapa tawh kipawltonin ka om uhi.

⁴Kote’[1] lungdamna a bukim thei nadingin tami thute ang giel ka hi uhi.

⁵Kote in ama tung panin ka zah zaw ciengun note tunga kang tangko uh thu in, Pasien pen khuovah ahi a, ama sungah khuomiel a om sih hi.

⁶Ama tawh kipawlton ka hi hi, ci napi khuomiel sungah i gamtat leh zuouthu gen i hi a, thuman a zui lo i hi hi.

⁷Ahi vangin khuovah sungah ama ma a op ma bangin eite zong khuovah sungah kalsuonin khatlekhat i kipawlton leh a Tapa Jesu’ sisan in i mawna zosie ei silsieng hi.

⁸Mawna ka nei sih hi, i ci leh eima le eima a kisol i hi a, i sungah thuman thutah a om sih hi.

⁹I mawnate uh pulah leih a muonhuoi le a thutang ama in i mawnate ei maisahin i dihlonate zosie ei silsieng ding hi.

¹⁰Eite in mawna ka bawl sih hi, i ci leh ama zuou gen i suohsah a, i sungah ama’ thu a om lo ahi hi.