Read Zou 2 JOHN 1 Bible Online

2 JOHN 1 - Zou bible

2 JOHN 1

¹Khangham pa in, thuman thutah sunga ka it, kei beh hi loin thuman a thei mi zosie in zong a it,

²kote sunga a om, le kote tawh ang om zing ding tua thuman thutah ziehin teeltuom upa nu le a tate tungah:

³Pa Pasien le Pa’ Tapa Jesu Khris tung panin[1] hepina, khuotuona le lungnopna in thuman thutah le itna tawh eite ei ompi ding hi.

⁴Pa in eite ei thupieh bang lienin thuman thutah sungah na tate pawlkhat a kalsuon uh ka mu ziehin ka kipah mama hi.

⁵Ahi vangin numei aw, tu-in na kungah thupieh tha ang giel dan ka hi sih a, a kipat cil a kipan i neisa uh thupieh pen ma tawh khatlekhat ki-it bo vai ci-a ang thum ka hizaw hi.

⁶Ama’ ei thupiehte banga i zuina pen itna ahi hi; note in a kipat cila na zahsa uh bang lienin itna sungah na kalsuon un, ci thu pen thupieh ahi hi.

⁷Cilesa sungah Jesu Khris ang pei zo hi, ci thu a sang lo misol tampi, leitungah ang pieng zo ta hi. Tua bang a gen mi poma misol ahi a, anti-khris ahi hi!

⁸Note in ka[2] bawlsa uh nate mansuo loin thaman a kimtaha na san thei nadingun na kidawm un.

⁹Khris’ thuhilna-ah kip loin a valkai pei zosie Pasien nei lo ahi hi; a thuhilna-a a kip poma in Pa le Tapa a neiton ahi hi.

¹⁰Note kungah mi khatpo ang pei-in tami thuhilna ang vom sih leh na hopi sih unlen, na inn vuah zong na tungsah sih un.

¹¹Azieh pen khum bang mipa hopina pen ama’ gitlo nasepna sunga kihalna ahi hi.

¹²Na kung vuah giel ding tampi ka nei vangin laitui le laikung zang zaw loin, tua sangin i lungdamna a kicin thei nadingin na kung vuah hing haw-in kimutuo-a i kiho ding ka lamen hi.

¹³A kiteel na sanggam nu’ tate in note ang noset uhi.[3]