Read Zou 1 SAMUEL 27 Bible Online

1 SAMUEL 27 - Zou bible

1 SAMUEL 27

¹David in a lungsim sungah, “Ni khat ni ciengin Saul’ khutlumin ka si thei kha ding hi; Philistia-te gama tai ding sangin kei adingin a hoizaw bangma om lo hi; tua hile Israel gamgi huom sunga Saul in ei sui den pen ang lungkie ding a, ama’ khut sung panin ka suohta ding hi,” a ci hi.

²Tuaci’n David ding a, ama kunga om pasal zaguh tawh Gath kumpipa, Maok’ tapa Achish kungah a pei hi.

³David, ama le a galkapte tawh, pasal teng zosie a innkuonpite tawh, David, a zi tegel Jezreel-a Ahinoam le Carmel-a Nabal’ zi meigongnu Abigail tawh, Gath-a Achish tawh a tengton hi.

⁴Gath ah David tai zo hi, ci Saul kungah a kigen ciengin ama in David sui nawn lo hi.

⁵Tua ciengin David in Achish kungah, “Na mitmu-in maipha ka nga leh ka ten thei nading gam sung khuopi khatah mun ei pie in; bang dingin na nasempa nang tawh kumpi khuopi sungah tengton ding ahei?” a ci hi.

⁶Khum ni-in Achish in ama tungah Ziklag khuo a pie hi; tua ahi ziehin tua khuo pen tuni dongin Judah kumpite-a’ ahi ta hi.

⁷Philistia-te gam sungah David a ten hun kum khat le hla li sung ahi hi.

⁸Tu-in David le a mite kuonto-in Geshur-te, Girzi-te, le Amalek-te a sim uhi; azieh ahile tam mite pen Telam[140]-a pan, Shur lampi panin Egypt gam dongin a na tengsate ahi uhi.

⁹David in khum gam simin pasal hile numei hile khat beh a hinkhawi sih hi. Ahi vangin tuute, bawngte, laate, kalaohte, le puonsilte la-in Achish kungah a peikia hi.

¹⁰Achish in, “Tuni koi[141] va sim ta na hiei?” ci-in a dawh ciengin David in, “Judah-te’ Negeb gam,” ahi sihle, “Jerahmeel-te’ Negeb gam,” ahi sihle, “Ken-te’ Negeb gam,” a ci hi.

¹¹David in, “Amate in i thu teng hing gen va-un, ‘David in tam bangin bawl hi,’ ci kha va uh,” ci-in a ngaisut ziehin David in Gath-a thu tut thei ding popo numei hile pasal hile khat zong a hinkhawi sih hi. Tua khu Philistia-te’ gam sungah a ten hun sung tenga ama’ gamtat zie ahi hi.

¹²Achish in David muong a, “Ama mi Israel-te a si muda thei nadingin ama le ama kibawl zo hi; tua ahi ziehin ama ka nasem ahi zing ding hi,” ci-in a ngaisun hi.