Read abua Emiighom 36 Bible Online

Emiighom 36 - abua bible

Emiighom 36

¹Bụen kụ oghiil atum oghiil ẹmaria phọ Ịso (bịdi kụ Idom mọ).

²Ịso aphinogh nmạnyaan aKenan: Ada ọnyani Elon ọlo ạHitait, rꞌOholibama ọnyani Ana ọony ạZibion ọlo aHivait,

³rꞌaBasemat ọnyani Ịsmael, umarani aNebayot.

⁴Ada ạmaranaan Ịso Ẹlifaz; aBasemat ạmar Rewel;

⁵Oholibama ạmar Jeus rꞌạJalam rꞌaKora. Bụen kụ ạnmuny dị ọmaranaan Ịso ẹpe Kenan.

⁶Kụ Ịso ạsighe nmạriir phọ ọdi, nmụny phọ ọdi rꞌạnmanyaan phọ ọdi, rꞌawe phọ ọdi, ịnam mọ, rꞌoomo aruphua phọ ọdi ạmoogh bọ ẹpe Kenan, kụ ạgbatanaan Jẹkob ọony onhiin phọ ọdi agheel ẹnon ẹmha.

⁷Ẹelha phọ ạbidi mẹphughan dị bịdi kotughan egina esi; ade phọ kẹn ígeni dị ịnam mọ ạbidi kẹḅal ịḅal dị kẹkasian.

⁸Pọ kụ ịyaar phọ Ịso ạghi bọ roogbolom mọ Idom kụ arugh.

⁹Bụen kụ oghiil phọ Ịso, ọde ạbuo Idom bụphe orughogh bọ ẹpe aroogbolom mọ Idom.

¹⁰Ịphen kụ asiḍien ạnmuny phọ Ịso: Ẹlifaz ọony Ada ạnir phọ Ịso, aRewel ọony aBasemat ạnir phọ Ịso.

¹¹Ạnmuny Ẹlifaz: aTeman, Ọmar, Zefo, Gatam rꞌaKenaz.

¹²ẠTimna ạgaany Ẹlifaz ọony phọ Ịso kụ ạmaranaan nyọdi Ạmalek. Bụen phọ ạnmuny Ada ạnir phọ Ịso.

¹³Bụen ạnmuny aRewel: Nahat, Zera, Sama rꞌaMiza. Bụen phọ ạnmuny aBasemat ạnir phọ Ịso.

¹⁴Bụen ạnmuny Oholibama ọnyani Ana ọony ạZibion ạnir phọ Ịso ạmaranaan Ịso: Jeus rꞌạJalam rꞌaKora.

¹⁵Bụen kụ ạraalha sịphe ọkuruḅaka phọ Ịso. Ạnmuny Ẹlifaz ọkpana ọony Ịso, ạbudaam mọ ạbuen: aTeman, Ọmar, Zefo, Kenaz,

¹⁶Kora, Gatam rꞌẠmalek; ạbudaam mọ ọḍua bọ ọkuruḅaka Ẹlifaz ẹpe Idom kụ omite; bụen phọ ạnmuny Ada.

¹⁷Bụen ạnmuny aRewel ọony phọ Ịso: Nahat, Zera, Sama rꞌaMiza; bụen ạraalha dị ọḍua ọkuruḅaka aRewel kụ omite ẹpe Idom: bụen phọ ạnmuny phọ ạnmuny aBasemat ạnir phọ Ịso.

¹⁸Bụen ạnmuny Oholibama ọnyani phọ Ana ạnir phọ Ịso kụ omite: Jeus, Jạlam rꞌaKora.

¹⁹Ạnmuny phọ Ịso kụ Idom mọ, bụen phọ ạbudaam mọ ạbidi.

²⁰Ạbuḅel awe phọ orugh bọ Idom ạnmuny ạnmuny phọ aSeir ọlo aHorait dị orugh ghan ni sịphe ade phọ: Lotan, Sobal, Zịbion, Ana, Dison, Ezer rꞌaDisan.

²²Lotan, ọpo aḍighi bọ ọde ọde aropolo aHori rꞌaHeman. (ALotan ạmoogh umarani dị oghol mọ ạTimna.)

²³Sobal, ọpo aḍighi bọ ọde ọde aropolo Ạlvan, Mạnahat, Ebal, Sefo rꞌOnam.

²⁴Zịbion ạmoogh ịyal ạnmuny, Aya rꞌAna (Ana phọ ọphon kụ ạmiin bọ ọodu ạmughologhol ạmuum ẹpe ẹdala phọ, mem dị ọdi aphogh ghan ịnam adool phọ ạZibion ọde phọ ọdi.)

²⁵Bụen ạnmuny Ana: Dison rꞌOholibama ọnyani phọ Ana.

²⁶Ạnmuny aDison: Hẹmdan, Esban, Itran rꞌaKeran.

²⁷Ezer, ọpo aḍighi bọ ọde ọde aropolo aBilhan, Zaavan rꞌAkan.

²⁸Dison, ọpo aḍighi bọ ọde ọde aropolo Ụz rꞌAran.

²⁹Bụen kụ ạraalha ạbuo aHorait dị ọdaaghi de phọ Idom: Lotan, Sobal, Zịbion, Ana, Dison, Ezer, rꞌaDisan.

³¹Bụen kụ ạbudaam dị ọdaaghi de phọ Idom oye ye mem mem kụ egbi ọteeny amem dị ạbudaam ọrol ghan Ịzirel: ABela ọony aBior ọlo aDinhaba AJobab ọony aZera ọlo aBozra AHusam ọlo eelhe aTeman AHadad ọony aBedad ọlo Avit, (ọdi ạkpar apu weye ạMidian ẹgham dị ee eelhe ạMoab) ASamla ọlo aMasreka ASaul ọlo aRehobot ẹpe Ọgbal Ọphiiny phọ ABaal Hanan ọony Akbor AHadad ọlo aPau (ạnir ọdi ạMehetabel, ọnyani ạMatred, ḅịle ọnyani ọnyani aMezahab)

⁴⁰Ẹemara phọ Ịso udia ni eḍighi yogh rughunughun ịduon: ạTimna, Alva, Jẹtet, Oholibama, Ela, Pinon, Kenaz, Teman, Mibzar, Mạgdiel rꞌIram. Bụen phọ kụ ạraalha Idom; ẹmha kịrokiro, ẹpe arere phọ ạbidi; Ịso kụ ọde Idom.