Read abua Emiighom 5 Bible Online

Emiighom 5 - abua bible

Emiighom 5

¹Ḍịen kụ ạḍikool ẹemara ẹemara phọ Ạdam. (Mem mọ Ẹnaan ẹlhem bọ we, ọdi ạlhem bịdi ạghighima loor.

²Ọdi ạlhem bịdi elephiri rꞌẹya, kụ ạseph bịdi, kụ aghol bịdi mọ “Awe.”)

³Mem dị Ạdam ạman okuron rꞌịraardi ạsia, ọdi ạmar olephiri ọony dị ạghigh nyọdi, kụ aghol ḍien ọony phọ mọ ạSet.

⁴Ịphen reten, kụ Ạdam ạrol ịnon ọphaanya okuron ạsia. Ọdi ạmar ri bụnon ạnmuny

⁵kụ amugh mem dị ọdi mạman esugha okuron rꞌịraardi ạsia.

⁶Mem dị ạSet ạman oniin okuron rꞌoogh ạsia, kụ ọdi ạmar olephiri ọony, Enos,

⁷kụ ọdi ạrol ịnon ọphaanya okuron rꞌoḍual ạsia. Ọdi ạmar ri bụnon ạnmuny

⁸kụ amugh mem dị ọdi mạman esugha okuron rꞌiḍioph rꞌịyal ạsia.

⁹Mem dị Enos ạman esughadi ạsia, ọdi ạmar olephiri ọony, aKenan,

¹⁰kụ ọdi ạrol ịnon ọphaanya okuron rꞌaḍioph rꞌoogh ạsia. Ọdi ạmar ri bụnon ạnmuny

¹¹kụ amugh mem dị ọdi mạman esugha okuron rꞌoogh ạsia.

¹²Mem dị aKenan ạman oḍualdi ạsia, ọdi ạmar olephiri ọony, Mạhalalel,

¹³kụ ọdi ạrol ịnon ọphaanya okuron rꞌinyadi ạsia. Ọdi ạmar ri bụnon ạnmuny rꞌạnmanyaan

¹⁴kụ amugh mem dị ọdi mạman esugha okuron rꞌiḍioph ạsia.

¹⁵Mem dị ạMahalalel ạman odiinydi rꞌoogh ạsia, ọdi ạmar olephiri ọony, Jạred,

¹⁶kụ ọdi ạrol ịnon ọphaanya okuron rꞌịraardi ạsia. Ọdi ạmar ri bụnon ạnmuny

¹⁷kụ amugh mem dị ọdi mạman ọphaanya okuron rꞌesughadi rꞌoogh ạsia.

¹⁸Mem dị ạJared ạman oniin okuron rꞌodiinydi rꞌịyal ạsia, ọdi ạmar olephiri ọony, Ẹnok,

¹⁹kụ ọdi ạrol ịnon ọphaanya okuron ạsia. Ọdi ạmar ri bụnon ạnmuny

²⁰kụ amugh mem dị ọdi mạman esugha okuron rꞌodiinydi rꞌịyal ạsia.

²¹Mem dị Ẹnok ạman odiinydi rꞌoogh ạsia, ọdi ạmar olephiri ọony, Mẹtusela.

²²Ọdi rọmar bọ ạMetusela, Ẹnok aaḍikuan arelhian ghan rꞌẸnaan esi ịraar okuron ạsia kụ ạmar bụnon ạnmuny.

²³Ọdi ạrol ịraar okuron rꞌodiinydi rꞌoogh ạsia.

²⁴Ẹnok rꞌẸnaan phọ kụ urelhian ghan, bịn ụ́miin ghan mun nyọdi, loor esi dị Ẹnaan kụ ịsighe nyọdi ẹḍuanam.

²⁵Mem dị ạMetusela ạman oniin okuron rꞌọphaanyadi rꞌoḍual ạsia, ọdi ạmar olephiri ọony, Lạmek,

²⁶kụ ọdi ạrol ịnon oḍual okuron rꞌọphaanyadi rꞌịyal ạsia. Ọdi ạmar ri bụnon ạnmuny

²⁷kụ amugh mem dị ọdi mạman esugha okuron rꞌodiinydi rꞌesugha ạsia.

²⁸Mem dị ạLamek ạman oniin okuron rꞌọphaanyadi rꞌịyal ạsia, ọdi ạmar olephiri ọony,

²⁹kụ ọdi ạḅem, “Esi ade phọ ạḍien Ọmoogh-we phọ maruule bọ, ọony phọ ọphon kụ kụudereghi iyira esi oomo arukumuan phọ ayira”; kụ iḍighi kụ ọdi aghol ḍien ọony phọ mọ aNoa.

³⁰ẠLamek ạrol ịnon oogh okuron rꞌesughadi rꞌoogh ạsia. Ọdi ạmar ri bụnon ạnmuny

³¹kụ amugh mem dị ọdi mạman oḍual okuron rꞌoḍualdi rꞌoḍual ạsia.

³²ANoa rọman oogh okuron ạsia, kụ ọdi ạmar ịraar alephiri ạnmuny, Sẹm rꞌạHam rꞌaJafet.