Read abua 1 Krọnikuls 7 Bible Online

1 Krọnikuls 7 - abua bible

1 Krọnikuls 7

¹Ịsaka ạmoogh inya alephiri: Tola, Pua, Jashub rꞌaSimron.

²Tola ạmoogh odiiny alephiri: Uzi, Refaya, Jẹriel, Jamai, Ibsam rꞌạSamuel. Bịdi kụ aruwo ẹmhu arughunotu sịphe ọto phọ aTola kụ oḍighi we ẹgham dị ooleghaan. Oghiil aDevid ọdaam mọ ạbuo ẹemara ẹemara phọ ạbidi ụman 22,600.

³Uzi ạmar oniin olephiri, Izrahaya. Izrahaya rꞌinya ạnmuny ọdi, ạMaikel, Obadaya, Joel rꞌIshaya, oomo ạbidi uḍighi ruwo ẹmhu arughunotu.

⁴Bịdi ụmoogh ịbadibadi ạnmariir rꞌạnmuny dị ạnmuny ạnmuny ạbidi bịn ụman 36,000 awe eenom ẹgham.

⁵Ịgeeghi oomo arughunotu eghun phọ Ịsaka eḍeenaan mọ awe dị ọmanam ee ẹgham ụman 87,000.

⁶ẠBenjamin ạmoogh ịraar alephiri: Bela, Beker rꞌạJediayel.

⁷ABela ạmoogh oogh alephiri: Ezbon, Uzi, Ụziel, Jerimot rꞌIri. Bịdi kụ aruwo ẹmhu arughunotu sịphe ọto phọ kụ oḍighi we ẹgham dị ooleghaan. Ạnmuny ạnmuny ạbidi ụmooghom 22,034 awe dị ọmanam ee ẹgham.

⁸ABeker ạmoogh esugha alephiri: Zemira, Joas, Eliezer, Elioenai, Ọmri, Jeremot, Abaija, Anatot, Alemet.

⁹Ịgeeghi ạbuo ẹemara phọ ạbidi eḍeenaan mọ awe dị ọmanam ee ẹgham ụman 20,200.

¹⁰ẠJediayel ạmoogh oniin alephiri, Bilhan. Kụ aBilhan ạmoogh oḍual alephiri: Jeus, Bẹnjamin, Ehud, Kenaana, Zetan, Tasis rꞌAhisahar.

¹¹Bịdi kụ aruwo ẹmhu arughunotu sịphe ọto phọ kụ oḍighi we ẹgham dị ooleghaan. Ạnmuny ạnmuny ạbidi ụmooghom 17,200 awe dị ọmanam ee ẹgham.

¹²ASupim rꞌaHupim uḍighi kẹn ni bụo eghun phọ ẹphen. ẠDan ạmoogh oniin olephiri, Husim.

¹³ẠNaftalai ạmoogh inya alephiri: Jạziel, Guni, Jẹzer, rꞌaSalum. (Bịdi bụo ẹemara aBilha.)

¹⁴Ọkuruḅaka ọyuga ọdi ọlo Aram, ạManase ạmoogh ịyal alephiri, Ạsriel rꞌaMakir. AMakir kụ ọde ạGiliad.

¹⁵AMakir ạwaanaan ạnir Hupim kụ ạwaanaan kẹn ọnon Supim. Umarani ọdi ughol mọ aMaaka. Ọony aMakir dị amuneniom ịyal ughol mọ aZelofahad, kụ ọdi ạmoogh nmạnyaan bịn.

¹⁶AMaaka, ạnir phọ aMakir, ạmar ịyal alephiri, dị bịdi ooghologh mọ aPeres rꞌaSeres. APeres ạmoogh ịyal alephiri, Ulam rꞌaRekem.

¹⁷Kụ Ulam ạmoogh olephiri dị oghol mọ aBedan. Oomo phọ ạbuen ạbuo ẹemara ạGiliad, ọony phọ aMakir kụ ọony ọony ạManase.

¹⁸Umarani phọ ạGiliad Hamoleket ạmoogh ịraar alephiri: Isod, Abiezer, rꞌaMala.

¹⁹(ASemida ạmoogh inya alephiri: Ahian, Sẹkem, Likhi rꞌAniam.)

²⁰Bụen kụ ạbuo ẹemara ẹemara Ifraim, oghiil atum oghiil: Sutela, Bered, Tahat, Eliada, Tahat,

²¹Zabad, Sutela. Ifraim ạmoogh ịyal ạbunon alephiri ọḅaram Sutela: Ezer rꞌEliad dị ọze mem dị bịdi ọwa omi ịnam awe ẹmha phọ ạGat.

²²Ifraim ọde phọ ạbidi ạrol emoghi ạbidi ịbadi asiḍughul-otu kụ asiya ọdi oru ọodereghi ọdi.

²³Kụ ọdi ạḅile ạrolan esi rꞌạnir ọdi, kụ ạnir phọ asoph eghun kụ ạmar olephiri. Bịdi ughol nyọdi mọ aBeria, loor esi ịiḅaghami phọ mesoor bọ sịphe eghunotu phọ ạbidi.

²⁴Ifraim ạmoogh ọnyani dị oghol mọ aSeera. Ọdi kụ amiteghom bọ rạmha phọ Ẹsiinyom rꞌEsoorom mọ ạBet Horon, rꞌUzen Seera.

²⁵Ifraim ạḅile ạmoogh olephiri dị oghol mọ aRefa, dị ạnmuny ạnmuny oḍighi bụen: aResef, aTela, aTahan,

²⁶ạLadan, Amihud, Elisama,

²⁷Nọn, Josua.

²⁸Areelhe dị bịdi ọsighe ọrol ghan ịḅaram Bẹtel rꞌạramha phọ ekoom bọ, kụ esi kꞌẹpe emitenom erumuḍio sịphe Naaran ḅịle rꞌemeelom erumuḍio phọ kꞌẹpe Gezer rꞌạramha phọ ekoom bọ. Ịḅaram ni igbogh ạramha phọ ạSekem rꞌAya rꞌạramha phọ ekoom bọ bịdi.

²⁹Ạnmuny ạnmuny phọ ạManase ụphamaghan ghan igbogh ạramha ạBet Sạn, Taanak, Megido rꞌaDor rꞌạramha phọ ekoom bọ bịdi. Oomo phọ ịphen kụ ariisi dị ạnmuny ạnmuny phọ ạJosef ọony phọ ạJekob ọrol ghan.

³⁰Bụen kụ ẹemara ẹemara Ạser. Ọdi ạmoogh inya alephiri: Imna, Isva, Isvi rꞌaBeria; rꞌoniin ọnyani, Sera.

³¹ABeria ạmoogh ịyal alephiri, Heber rꞌạMalkiel. (Ạmalkiel kụ amitiom egbogh ẹmha phọ aBirzait.)

³²AHeber ạmoogh ịraar alephiri: Jạflet, Somer, rꞌaHotam; rꞌoniin ọnyani, Sụa.

³³ẠJaflet ạmoogh kẹn ịraar alephiri: Pasak, Bimal rꞌAsvat.

³⁴Umor ọdi Somer ạmoogh ịraar ạnmuny: Roga, Jehuba rꞌAram.

³⁵Umor ọdi Hotam ạmoogh inya alephiri: Zofa, Imna, Seles rꞌAmal.

³⁶Ạnmuny ạnmuny phọ aZofa ughol mọ aSua, Hanefer, Sual, Beri, Imra,

³⁷Bezer, Hod, Sạma, Silsa, Itran, rꞌaBeera.

³⁸Ạnmuny ạnmuny phọ ạJeter ughol mọ aJefune, Pispa, rꞌAra,

³⁹kụ ạnmuny ạnmuny phọ Ula uḍighi Ara, ạHaniel rꞌaRizia.

⁴⁰Oomo phọ ạbuen ạnmuny ạnmuny Ạser. Bịdi uḍiemiom rughunotu kụ oḍighi we ẹgham dị ooleghaan, ikpolom ạbuo ạrumhu. Ạnmuny ạnmuny Ạser ụmooghom 26,000 awe dị ọmanam ee ẹgham.